2022-01-25 15:35:23, 730 ნახვა
პოლიტიკა
შსს-სთან მიმდინარე აქციაზე, აქტივისტებსა და სამართალდამცველებს შორის სიტყვიერი დაპირისპირება მოხდა
შინაგან საქმეთა სამინისტროსთან, სადაც სამოქალაქო აქტივისტებისა და პოლიტიკური პარტიების ორგანიზებით საპროტესტო აქცია მიმდინარეობს, აქტივისტებსა და სამართალდამცველებს შორის დაპირისპირება მოხდა.
აქტივისტები სამინიტროს მიმდებარე ტერიტორიაზე სტიკერების - „არა მილიციას“ გაკვრას ცდილობდნენ, რისი საშუალებაც მათ სამართალდამცველებმა არ მისცეს.
როგორც შინაგან საქმეთა სამინისტროს ერთ-ერთმა თანამშრომელმა განაცხადა, ადმინისტრაციული შენობის წინ სტიკერების დაკვრა ადმინისტრაციული სამართალდარღვევაა.
ცნობისთვის, შინაგან საქმეთა სამინისტროსთან მიმდინარე აქციაზე აქტივისტები და პოლიტიკოსები პოლიციელების მიერ არასრუწლოვანი, შშმ პირის ცემის ფაქტს აპროტესტებენ.
ავტორი: ექსპრესნიუსი,
epn.ge (@expressnews.ge)
