2006 წლიდან გინესის წიგნის რეკორდსმენი-ბუნებრივი წარმოშობის შავი ბრილიანტი "ენიგმა", რომლის მოცულობა-რეკორდულ 555,55 კარატს შეადგენს, ახალ მფლობელს, ძალიან მალე, აუქციონზე მოძებნის. 
ამ ზომის ნატურალური, დამუშავებული ქვა უნიკალურია, ხოლო მისი წარმოშობა ბურუსითაა მოცული. მეცნიერების აზრით, "ენიგმა" ან მეტეორიტის ჩამოვარდნის დროს შეიქმნა, ან მეტეორიტის ნაწილაკს წარმოადგენს.

ბრილიანტის დამუშავების ტექნიკას "ჰამსა" ჰქვია, ამიტომაც ის ამ შუააზიური ამულეტის ფორმას წააგავს.
"აქამდე ბრილიანტი პირად კოლექციაში იყო და აუქციონებში მონაწილეობას არ იღებდა, სწორედ ამიტომ ჩვენ ძალზედ მოხარულები ვართ , რომ  ამ საოცრებას, რომლის ასაკი მიახლოებით მილიარდი წელი გახლავთ, მსოფლიოს პირველად სწორედ Sotheby's გააცნობს",-ამბობს ნიკ ბინანი,  Sotheby's-ს საიუველირო ნაწარმის სპეციალისტი.
"ენიგმა" , Sotheby's-ს დუბაის საერთაშორისო ფინანსურ ცენტრში 17-20 იანვრის პერიოდში იქნება წარმოდგენილი, შემდეგ ბრილიანტს ლოს-ანჯელესში (24-26 იანვარი) და ლონდონში (2-9 თებერვალს) გამოფენენ. "ენიგმა" სპეციალურ ონლაინ აუქციონზე , კერძოდ 3-9 იანვარს გაიყიდება, მას სარეზერვო ფასი არ ექნება.

ავტორი: გიორგი ბაზაევი, ექსპრესნიუსის რეპორტიორი 2010 წლიდან

სოციალური ქსელები

ვინ არის გენერალ-მაიორი მიხაილო დრაპატი, უკრაინის შეიარაღებული ძალების ახალი მეთაური

ზელენსკიმ სირსკი უკრაინის შეიარაღებული ძალების მთავარსარდლის თანამდებობიდან გაათავისუფლა და მის ნაცვლად დრაპატი დანიშნა

Wildberries-ის საწყობის ხანძრის შედეგად მიყენებულმა ზარალმა რუსეთის 53 რეგიონის წლიურ ბიუჯეტს გადააჭარბა

რეჟიმი სუს-ის იუბილის აღსანიშნავად 80 ათას ლარს უტენდეროდ დახარჯავს