2021-12-28 11:31:27, 683 ნახვა
პოლიტიკა
კელი დეგნანი – კომიტეტის თავმჯდომარეებთან გამოვთქვი შეშფოთება ინსპექტორის სამსახურის გაუქმებაზე
საქართველოში აშშ–ის ელჩი, კელი დეგნანი პარლამენტში იურიდიულ საკითხთა კომიტეტის თავმჯდომარეს ანრი ოხანაშვილსა და ადამიანის უფლებათა კომიტეტის თავმჯდომარეს მიხეილ სარჯველაძეს შეხვდა.
როგორც კელი დეგნანმა შეხვედრის შემდეგ განაცხადა, ელჩმა კომიტეტების თავმჯდომარეებთან გამოთქვა შეშფოთება სახელმწიფო ინსპექტორის სამსახურის გაუქმებასთან დაკავშირებით.
„ჩვენ ვაფასებთ შეხვედრას კომიტეტის თავმჯდომარეებთან და მათთან გამოვთქვით შეშფოთება სახელმწიფო ინსპექტორის სამსახურის გაუქმებასთან დაკავშირებით, განსაკუთრებით იმ პუნქტზე, რომელიც გულისხმობს უწყების თანამშრომლების სამსახურიდან დათხოვნას“, – განაცხადა კელი დეგნანმა.
ავტორი: ექსპრესნიუსი,
epn.ge (@expressnews.ge)
