მთავრობას კოვიდპანდემიის მართვაზე შეზღუდვების დაწესების უფლება 2023 წლამდე გაუხანგრძლივდა

2021-12-22 16:41:49, 763 ნახვა

პოლიტიკა

საქართველოს მთავრობას შეზღუდვების დაწესების უფლება 1წლით 2023-მდე გაუხანგრძლივდა.

გადაწყვეტილება მმართველი გუნდის დეპუტატებმა პარლამენტის პლენარულ სხდომაზე მიიღეს.

საზოგადოებრივი ჯანდაცვის შესახებ კანონში შესაბამის ცვლილებას მხარი 77-მა დეპუტატმა დაუჭირა, წინააღმდეგ - 4 წავიდა.

კანონპროექტის ინიციატორი "ქართული ოცნება" იყო. მმართველი გუნდის განმარტებით, კანონის მიზანია, "2022 წლის 1 იანვრის შემდეგაც შენარჩუნდეს ის არსებული სამართლებრივი მექანიზმი, რომელიც პანდემიის გავრცელების შეფერხებასა და პროცესების სწორად წარმართვას ემსახურება".

აღსანიშნავია, რომ საკანონმდებლო ცვლილებების მოქმედების ვადა უკვე რამდენჯერმე გახანგრძლივდა. ცვლილების მიხედვით, კანონი მთავრობას ლოკდაუნის, კომენდანტის საათის და სხვადასხვა ტიპის შეზღუდვის დაწესების უფლებას აძლევს.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,