პარლამენტის ფრაქციის „ერთიანი ნაციონალური მოძრაობა - ძალა ერთობაშია“-ს წევრმა, თინათინ ბოკუჩავამ მიხეილ სააკაშვილი გორის სამხედრო ჰოსპიტალში მოინახულა.

მისი განცხადებით, იმისათვის, რომ ადამიანმა დაინახოს, თუ რამდენად ცუდად არის საქართველოს მესამე პრეზიდენტი, სამედიცინო კვალიფიკაცია საჭირო არ არის.

თინათინ ბოკუჩავას თქმით, აშშ-ც ადასტურებს, რომ საქართველო ვეღარ ახორციელებს იმ რეფორმებს, რომელიც საჭიროა ჩვენი ევროატლანტიკური მიზნების განსახორციელებლად.

"სამედიცინო კვალიფიკაცია არ არის საჭირო იმისთვის, რომ ადამიანმა დაინახოს რამდენად სუსტად არის პრეზიდენტი სააკაშვილი. იმ ძალიან მცირე სივრცეში, სადაც ახლა იმყოფება, უჭირს გადაადგილება და რამდენიმე ნაბიჯის გადადგმაც კი. სავარაუდოდ, მას თავბრუსხვევა აქვს ან მსგავსი ნერვოლოგიული პრობლემა. 15 დეკემბერს ტარდება აღმოსავლეთ პარტნიორობის სამიტი, სადაც არამხოლოდ საქართველოს, არამედ უკრაინის, მოლდოვის წარმომადგენლები იქნებიან წარმოდგენილები. დარწმუნებული ვარ, რომ მათ შორის, სხვადსხვა ევროპარლამენტარების მხრიდან იქნება განცხადებები. მაგრამ, სამწუხაროდ ეს განცხადბები არ იქნება იმ შინაარსის, რომელიც ჩვენ გვინდა მოვისმინოთ საქართველოზე. ეს არის იმედგაცრუება, მათ შორის აშშ-ც გამოხატავს, ადასტურებს, რომ საქართველო ვეღარ ახორციელებს იმ რეფორმებს, რომელიც საჭიროა ჩვენი ევროატლანტიკური მიზნების განსახორციელებლად და ბუნებრივია, მიხეილ სააკაშვილის პატიმრობაც არის ამის ნაწილი", - განაცხადა თინათინ ბოკუჩავამ.

ავტორი: ექსპრესნიუსი,

სოციალური ქსელები

ევროკავშირმა რუსეთის წინააღმდეგ ეკონომიკური სანქციები 2027 წლის ივლისის ბოლომდე გაახანგრძლივა

ზელენსკიმ დაამტკიცა SBU-ს 40-დღიანი ოპერაცია, რათა რუსეთი ომის დასრულება აიძულოს

საიამ მზია ამაღლობელის პოლიტიკური ბრალდების საქმეზე სტრასბურგში მეოთხე საჩივარი წარადგინა

თბილისში კაცი დაჭრეს