განსაკუთრებით მნიშვნელოვანია ახალგაზრდების დაინტერესება სოფლის მეურნეობით,-ამის შესახებ გარემოს დაცვისა და სოფლის მეურნეობის მინისტრმა ლევან დავითაშვილმა განაცხადა.

მისი შეფასებით, თანამედროვე ტექნოლოგიისა და ინოვაციის საშუალებით, ახალგაზრდები უკეთესად შეძლებენ ინოვაციური მიდგომების ფერმერებამდე მიტანას.

„განსაკუთრებით მნიშვნელოვანია ახალგაზრდების დაინტერესება სოფლის მეურნეობით. ჩვენ ყოველთვის ხაზგასმით აღვნიშნავთ, რომ გვჭირდება უფრო კონკურენტუნარიანი სოფლის მეურნეობა, სადაც მეტი თანამედროვე ტექნოლოგია და ინოვაცია იქნება; ეს კი ახალგაზრდებს უკეთ გამოუვათ, შესაბამისად, უკეთესად შეძლებენ ინოვაციური მიდგომების ფერმერებამდე მიტანას და, ამავე დროს, სხვა დაინტერესებული ახალგაზრდების ჩართვას სოფლის მეურნეობაში“, - განაცხადა გარემოს დაცვისა და სოფლის მეურნეობის მინისტრმა ლევან დავითაშვილმა.

უწყების პრესსამსახურის ცნობით, გარემოს დაცვისა და სოფლის მეურნეობის მინისტრი ლევან დავითაშვილი, აშშ-ის საერთაშორისო განვითარების სააგენტოს (USAID) პროექტის „ზრდა საქართველოში“ დირექტორ ქეთი ჭუმბურიძესთან ერთად, სოფლის განვითარების სააგენტოს რეგიონული სამსახურებისა და მუნიციპალური ცენტრების ახალგაზრდა სტაჟიორებს შეხვდა.

აშშ-ის საერთაშორისო განვითარების სააგენტოს (USAID) პროექტის „ზრდა საქართველოში“ დირექტორ ქეთი ჭუმბურიძის განცხადებით, გარემოს დაცვისა და სოფლის მეურნეობის სამინისტროსთან 5 წლიანი თანამშრომლობის ფარგლებში, არაერთი პროექტი განხორციელდა.

მისი თქმით, სასოფლო-სამეურნეო ექსტენციის მიმართულებით განხორციელებული პროექტი არის ერთ-ერთი ძალიან მნიშვნელოვანი, რომელიც კონკურენტუნარიან სოფლის მეურნეობის განვითარებას შეუწყობს ხელს.

„სოფლის განვითარების სააგენტოს რეგიონულ სამსახურებსა და მუნიციპალურ ცენტრებში სტაჟიორებს შესაძლებლობა აქვთ, სოფლის მეურნეობის დარგში პროფესიული მიმართულებების პრაქტიკული უნარ-ჩვევები სტაჟირების გავლით შეიძინონ. შეხვედრაზე, სტაჟიორებს აგრარულ ლიტერატურა და საექსტენციო საქმიანობისათვის საჭირო აღჭურვილობა გადაეცათ. ღონისძიებას გარემოს დაცვისა და სოფლის მეურნეობის მინისტრის პირველი მოადგილე გიორგი ხანიშვილი და სოფლის განვითარების სააგენტოს დირექტორი ილია თამარაშვილი ესწრებოდნენ“,-აღნიშნულია ინფორმაციაში.

ავტორი: NS (სტატია დაფინანსებულია),

სოციალური ქსელები

ტელეკომპანია „დოჟდის“ მთავარ რედაქტორს ტიხონ ძიადკოს „ყალბი ამბების“ საქმეში რვა წლით თავისუფლების აღკვეთა მიესაჯა

სამეფო ოპერის თეატრმა დიდი ბრიტანეთის პრემიერ-მინისტრს პაატა ბურჭულაძის საქმეში ჩარევისკენ მოუწოდა

საქართველოს რაგბის ეროვნული ნაკრების ყოფილი კაპიტანს დოპინგის ბრალდებით 11 წლით დისკვალიფიკაცია მისცეს

EU-ის წარმომადგენლობა: ვულოცავთ შიო III-ს სრულიად საქართველოს კათოლიკოს-პატრიარქად გამორჩევას