2021-11-24 09:32:13, 2081 ნახვა

---

ჯანმოს მონაცემებით, მსოფლიოში, გასულ კვირაში, კორონავირუსით გარდაცვლილთა რიცხვი 6%-ით გაიზარდა

ჯანდაცვის მსოფლიო ორგანიზაციის მონაცემებით, ბოლო 7 დღის განმავლობაში, მსოფლიოში კორონავირუსის თითქმის 3 597 398 ახალი შემთხვევა გამოვლინდა.

როგორც ჯანდაცვის მსოფლიო ორგანიზაციის მიერ გავრცელებულ ინფორმაციაშია აღნიშნული, მსოფლიოში, ბოლო ერთ კვირაში, ვირუსს 53,373 ადამიანი ემსხვერპლა.

ჯანმო-ს მონაცემებით ინფიცირების ახალი შემთხვევებიდან 67% სწორედ ევროპაში დაფიქსირდა, რაც გასული კვირის მონაცემებს 11%-ით აღემატება.

ამასთანავე, ჯანმო–ში აცხადებენ, რომ ვირუსის ახალი შემთხვევები ძირითადად კორონავირუსის ე.წ დელტა შტამს უკავშირდება, რომელიც დადასტურებული შემთხვევების თითქმის 99,8%–ს შეადგენს.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი