2021-11-17 13:07:17, 693 ნახვა
პოლიტიკა
ზუგდიდის საკრებულოს წევრებმა, რომლებიც შიმშილობენ, ლეიბები საკრებულოს სხდომათა დარბაზში გაშალეს
ზუგდიდის საკრებულოს ახლად არჩეულმა წევრებმა, რომლებიც საქართველოს მესამე პრეზიდენტის, მიხეილ სააკაშვილის სამოქალაქო კლინიკაში გადაყვანის მოთხოვნით შიმშილობენ, ლეიბები საკრებულოს დარბაზში გაშალეს.
"ნაციონალური მოძრაობის" წევრი, ანი წითლიძე წერს, რომ საკრებულოში პოლიცია მათ ლეიბების გაშლის საშუალებას არ აძლევდა, მაგრამ მაინც მოახერხეს.
"მოშიმშილეებმა გადმოინაცვლეს ზუგდიდის საკრებულოს სხდომათა დარბაზში. ჭიდაობა მოგვიწია ლეიბების შეტანაზე მაგრამ მაინც შემოვედით.
ვადაგასულ საკრებულოს არ მივცემთ უფლებას არა ზუგდიდელების არამედ საკუთარი კეთილდღეობის ბიუჯეტი მიიღონ", – წერს ანი წითლიძე.
ავტორი: ექსპრესნიუსი,
epn.ge (@expressnews.ge)
