მიხეილ სააკაშვილმა სასამართლო პროცესში დისტანციურად ჩართვაზე უარი განაცხადა

2021-11-16 13:05:14, 759 ნახვა

პოლიტიკა

სახელმწიფო საზღვრის უკანონო კვეთის საქმეზე საქართველოს ყოფილი პრეზიდენტის, მიხეილ სააკაშვილის სასამართლო პროცესი მიმდინარეობს.

როგორც პროცესზე თბილისის საქალაქო სასამართლოს მოსამართლემ, დავით კურტანიძემ განაცხადა, ექს–პრეზიდენტმა მიხეილ სააკაშვილმა გლდანის მე–18 სამკურნალო დაწესებულებიდან, სასამართლო პროცესზე დისტანციურად ჩართვაზე უარი განაცხადა.

მოსამართლის თქმით, პენიტენციურმა დაწესებულებამ სააკაშვილის სასამართლო პროცესზე დასწრებაზე უარი განაცხადა, თავად ბრალდებულმა კი, სხდომაზე დისტანციურად ჩართვა არ ისურვა.

ადვოკტებმა პროცესზე მედიის დასწრების შუამდგომლობა დააყენეს, თუმცა მოსამართლებ აღნიშნული შუამდგომლობა არ დააკმაყოფილა. ამჯერადაც, სხდომას მხოლოდ "საზოგადოებრივი მაუწყებელი" აშუქებს.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,