საპარლამენტო უმრავლესობის ლიდერი, ირაკლი კობახიძე აცხადებს, რომ 30 ოქტომბერს დასრულდა არამხოლოდ თვითმმართველობის არჩევნები, არამედ ძალიან რთული პოლიტიკური პროცესიც.

როგორც კობახიძემ პლენარულ სხდომაზე განაცხადა, ადგილობრივი თვითმმართველობის არჩევნებმა დაადსტურა, რომ 6–თვიანი საუბჭი საპარლამენტო არჩევნების გაყალბებაზე იყო სრული ფარსი და სიცრუე.

"30 ოქტომბერს დასრულდა არამხოლოდ თვითმმართველობის არჩევნები, არამედ დასრულდა ერთწლიანი, ძალიან რთული პოლიტიკური პროცესიც. ამ ერთი წლის განმავლობაში, ჩვენმა ქვეყანამ და ჩვენ არაერთი სირთულე გამოვიარეთ, ეს იყო პანდემიის გამო შექმნილი ეკონომიკური პრობლემები, სოციალური პრობლემები, ეს იყო 6-თვიანი ხელოვნური პოლიტიკური კრიზისი, სახელმწიფო ინსტიტუტების საბოტაჟი, პოლიტიკური შანტაჟი და ამ ფონზე ციხიდან გაშვებული ორი დამნაშავე, პრემიერ-მინისტრის მხრიდან ღალატი, ქვეყნისთვისა და ჩვენი გუნდისთვის ყველაზე კრიტიკულ მომენტში.

ამ ყველაფრის მიუხედავად, ჩვენ დამაჯერებლად მოვიგეთ ადგილობრივი თვითმმართველობის არჩევნები. ასევე მოვიგეთ ე.წ. რეფერენდუმიც და 47%-იანი მაჩვენებლით პრაქტიკულად გავიმეორეთ შარშანდელი საპარლამენტო არჩევნების შედეგი. ამ შედეგმა არამხოლოდ კიდევ ერთხელ დაადასტურდა „ქართული ოცნებისადმი“ ქართველი ხალხის ნდობა, არამედ დაამტკიცა, რომ 6-თვიანი საუბარი საპარლამენტო არევნების გაყალბებაზე სრული ფარსი და სიცრუე იყო",  – განაცხადა კობახიძემ.

ავტორი: ექსპრესნიუსი,

სოციალური ქსელები

დააკავეს კაცი, რომელმაც მიუსაფარი ძაღლი დაჭრა

სინდისის პატიმრების ოჯახის წევრები საზოგადოებას აქტიურობისკენ და მხარდაჭერისკენ მოუწოდებენ

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს