„ამ წუთისათვის პატიმარი სააკაშვილი აგრძელებს მკურნალობას და მისი სასიცოცხლო პარამეტრები ნორმაშია", – იუსტიციის მინისტრმა ამის შესახებ ტელეკომპანია „იმედის" ეთერში განაცხადა.

იუსტიციის მინისტრის თქმით, მსჯავრდებულის/ბრალდებულის ჯანმრთელობის მდგომარეობასთან დაკავშირებით პროგნოზები მხოლოდ პროფესიონალებმა უნდა გააკეთონ, თუმცა, მკურნალობის შეწყვეტის შესახებ ინფორმაცია სიმართლეს არ შეესაბამება.

„რამდენად არის მოსალოდნელი პატიმარ სააკაშვილის ჯანმრთელობის მდგომარეობის გაუარესება ან შემსუბუქება, ამაზე პროგნოზები უნდა გააკეთონ ექიმებმა და პროფესიონალებმა, ხოლო რაც შეეხება განცხადებას იმის შესახებ რომ მან მიატოვა მკურნალობა, გიპასუხებთ, რომ ამ წუთისათვის პატიმარი სააკაშვილი განაგრძობს მკურნალობას და მისი სასიცოცხლო პარამეტრები არის ნორმაში... კონსილიუმის ბოლო დასკვნების საფუძველზე, ის ჰოსპიტალიზაციას არ საჭიროებს", – აცხადებს რატი ბრეგაძე.

მინისტრმა განმარტა, რომ მოშიმშილე პატიმართან ურთიერთობას აქვს თავისი პროტოკოლი, რომელიც მსჯავრდებულ სააკაშვილთან დაკავშირებით სრულად არის დაცული; მას მიეწოდება ინფორმაცია შიმშილობის მავნე შედეგების შესახებ და სისტემატურად ხდება მისთვის საკვების შეთავაზება.

„თუ საჭირო გახდა გადაუდებელი სამედიცინო დახმარება, ამ მიზნით მორიგეობს რეანიმობილი; ასევე, შენობაში მუდმივად მორიგეობენ რეანიმობილის თანამშრომლები 24 საათის განმავლობაში... მიტანილია შესაბამისი აპარატურა", –  განაცხადა იუსტიციის მინისტრმა და დასძინა, რომ პირველადი დახმარების საჭიროების შემთხვევაში, მსჯავრდებულ სააკაშვილისთვის ეს დახმარება აღმოჩენლი იქნება  ადგილზე: „ჩვენ ვაკეთებთ მაქსიმალურად ყველაფერს იმისათვის, რომ პატიმრის ჯანმრთელობის მდგომარეობა იყოს სტაბილური".

ავტორი: NS (სტატია დაფინანსებულია),

სოციალური ქსელები

უკრაინის უსაფრთხოების სამსახურმა ერთ თვეში მეორე დარტყმა განახორციელა ნავთობის სატუმბი სადგურზე, რომელიც მოსკოვს საწვავს ამარაგებდა

ალიანსი: რეჟიმმა უნდა იცოდეს, რომ ელენეს ჯანმრთელობის დაზიანებისთვის მოუწევთ პასუხისგება

ირანი აშშ-ს დაბომბვის შემდეგ ბაჰრეინს დაესხა თავს

ტეხასის შტატში სკოლებში ბიბლიის სავალდებულო შესწავლა დამტკიცდა, გადაწყვეტილებას აშშ-ს საკონსტიტუციო სასამართლოში გაასაჩივრებენ