ნოტარიუსის თანაშემწის სასწავლო კურსის გავლის მსურველთათვის საბუთების მიღება იწყება. - ინფორმაციას საქართველოს ნოტარიუსთა პალატა ავრცელებს.

"ნოტარიუსის  თანაშემწის  კანდიდატი  შეიძლება  იყოს  საქართველოს  ქმედუნარიანი  მოქალაქე, რომელსაც აქვს ზოგადი (საშუალო) განათლება და ფლობს სახელმწიფო ენას.

საბუთების მიღების პირობები:

საბუთები მიიღება მიმდინარე წლის  04  ოქტომბრიდან 14 ოქტომბრამდე.

ნოტარიუსის თანაშემწის კანდიდატთა სასწავლო კურსის გავლის მსურველმა პირმა ელექტრონული ფორმით უნდა წარადგინოს  საბუთები შემდეგ მისამართზე - assistant@notary.ge

ა) სრული ზოგადი/უმაღლესი განათლების დამადასტურებელი დოკუმენტი  ან ცნობა სასწავლებლიდან [დამოწმებული სანოტარო წესით] ;

ბ) CV;

გ) პირადობის დამადასტურებელი დოკუმენტის ასლი;

დ) ფოტოსურათი (ზომით 3X4).

სასწავლო კურსის გასავლელად ნოტარიუსთა პალატისათვის გადასახდელი საფასურის ოდენობა 300 ლარია.

აღნიშნულ თანხას კანდიდატი იხდის ნოტარიუსის თანაშემწის კანდიდატთა სასწავლო კურსზე რეგისტრაციის შემდგომ,  სწავლების დაწყებამდე.

კურსზე მისაღები რაოდენობა განისაზღვრა 50 კანდიდატით, სწავლება განხორციელდება 2 ეტაპად, დარეგისტრირების რიგითობის შესაბამისად. 

ნოტარიუსის თანაშემწის კანდიდატთა სასწავლო კურსის ვადაა 10 კვირა. ეპიდემიოლოგიური ვითარების და საკოორდინაციო საბჭოს გადაწყვეტილებების შესაბამისად, სასწავლო  კურსის თეორიული და პრაქტიკული სწავლება წარიმართება შერეული (ონლაინ და ადგილზე დასწრების) მეთოდით. 

სწავლების  ადგილზე დასწრების კურსი  ნოტარიუსთა პალატის სასწავლო ცენტრში, შემდეგ მისამართზე  ჩატარდება - თბილისი, ივ. ჯავახიშვილის ქუჩა N60

სწავლების წარმატებით დასრულების შემთხვევაში, თანაშემწეობის კანდიდატს  შესაბამისი სერტიფიკატი გადაეცემა და სერტიფიცირებული თანაშემწე  ნოტარიუსის თანაშემწის ელექტრონულ მონაცემთა  ბაზაში დარეგისტრირდება. აღნიშნული ბაზიდან  კვალიფიციური თანაშემწის შერჩევას  უშუალოდ ნოტარიუსი ახორციელებს." - ნათქვამია განცხადებაში.

ავტორი: NS (სტატია დაფინანსებულია),

სოციალური ქსელები

ირმა ინაშვილი - დავაკავეთ დამნაშავე პოლიციელებიო, სიამაყით რომ წერთ, 4 წლის მანძილზე ამ სადისტებმა კიდევ რამდენი დაკავებული აწამეს

მოსკოვმა ბენზინის გაყიდვებზე შეზღუდვები დააწესა

მივმართავთ ადამიანებს, ვისაც აქვთ სისტემური წამების კადრები, გაასაჯაროვეთ – ალიანსი

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა