„ორი კვირაა, რაც გაფართოებული სახით „აწარმოე საქართველოში" პროგრამები ამოქმედდა, ეს, რა თქმა უნდა, არ არის საკმარისი დრო, რომ ბიზნესაქტიურობა მთელი მასშტაბით აისახოს, მაგრამ სხვადასხვა ბანკებისგან მოგვდის მონაცემები, რომ უკვე 11-მდე იპოთეკური სესხია ახალი პროგრამით მხარდაჭერილი  - აქედან 5 უკვე დამტკიცებულია, 6 კი განხილვაშია" - ამის შესახებ ეკონომიკისა და მდგრადი განვითარების მინისტრმა, ნათია თურნავამ ბრიფინგზე განაცხადა.  

როგორც მინისტრმა განმარტა, საუბარია 2021 წლის პირველი სექტემბრიდან ამოქმედებულ იპოთეკური სესხის სუბსიდირების ახალ სახელმწიფო პროგრამაზე, რომელიც საცხოვრებელი ფართის შესაძენად ბანკიდან აღებული კრედიტის პროცენტის თანადაფინანსებას გულისხმობს  საქართველოში მცხოვრები მრავალშვილიანი, ასევე იმ ოჯახებისთვის, რომლებსაც 2021 წლის პირველი სექტემბრის შემდეგ შვილი შეეძინებათ.

„ამ ეტაპისთვის მხარდაჭერილი პროექტების მიხედვით,  ძირითადად მრავალშვილიანი ოჯახები, რომლებსაც ჰყავთ სამი და მეტი შვილი, ბინის შეძენისა და საცხოვრებელი პირობების გაუმჯობესებისთვის  სარგებლობენ იმ იპოთეკური სესხით, რომელსაც ახალი პროგრამის ფარგლებში გასცემენ ბანკები და ჩვენ სესხის პროცენტის სუბსიდირებას ვახორციელებთ" - აღნიშნა მინისტრმა.

ავტორი: NS (სტატია დაფინანსებულია),

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე