იმ პირებს, ვისაც ჯანმრთელობის მდგომარეობის გამო გადაადგილება არ შეუძლიათ, COVID - 19-ის საწინააღმდეგო ვაქცინაცია ბინაზე უტარდებათ. აღნიშნული სერვისით ამ დროისთვის აჭარაში 74 პაციენტმა ისარგებლა.-ინფორმაციას აჭარის ჯანდაცვის სამინისტრო ავრცელებს.

მათი ცნობით, სერვისის ბინაზე მიღების მიზნით მოქალაქემ ცხელ ხაზზე - 1522 უნდა დარეკოს. შეტყობინების შემდგომ, ვაქცინის დანაკარგის თავიდან აცილების მიზნით, მობილური ჯგუფები გამოძახებაზე პერიოდულად, მოთხოვნილი ვაქცინის მიხედვით გადიან.

,,აჭარაში ბინაზე ვაქცინაცია დაიწყო აგვისტოს თვიდან და აქტიურად ვარ ჩართული სერვისის განხორციელებაში. ეს ძალიან მნიშვნელოვანი პროგრამაა, რადგან ძირითადად სერვისით მოსარგებლეები გახლავთ შეზღუდული შესაძლებლობის მქონე პირები, რომლებსაც გადაადგილება არ შეუძლიათ და აუცილებელია მათი ვაქცინაცია. აღნიშნულ სერვისს მობილური ჯგუფები რეგიონის მასშტაბით ვახორციელებთ“ - აღნიშნა ექიმმა, ირინა მექვაბიშვილმა.

დღეს, ბინაზე ვაქცინაცია 15-მდე მოქალაქეს ჩაუტარდება, მათ შორისა უკვე აიცრა - 80 წლის ნელი ნაჭყეპია.

,,პირველი ვაქცინა გავიკეთე კლინიკაში, შემდეგ ფეხი დავიზიანე და ვინაიდან გადაადგილება არ შემეძლო, გამოვიძახე მობილური ჯგუფი ბინაზე. მოვიდნენ და ძალიან კმაყოფილი ვარ, მეორე დოზა ,,სინოვაკი“-ს ვაქცინით ბინაზე ავიცერი. მჯერა რომ აცრა დაგვიცავს“, განაცხადა ნელი ნაჭყეპიამ.

,,მე პირადად ორჯერადად ვარ აცრილი, ჩემი მეუღლე გახლავთ მწოლიარე, ამიტომ იძულებული ვიყავით გამოგვეძახებინა მობილური ჯგუფი და დღეს ბინაზე ავცერით. მადლობელი ვართ ამ შესაძლებლობისთვის“ - აღნიშნა, ვლადიმერ გოგიამ, 81 წლის ეთერ გოგიას მეუღლემ

"აჭარაში ამ დროისთვის ჩატარებულია- 161 846 დოზა ვაქცინა, მათ შორის ორი დოზით აცრილია - 58 477 მოქალაქე."-ნათქვამია განცხადებაში.

ავტორი: NS (სტატია დაფინანსებულია),

სოციალური ქსელები

ზელენსკიმ ტრამპთან საუბრის დეტალები გაამხილა

ვუჩიჩი გადადგომამდე თბილისში ჩამოვა

ესაა სახელმწიფოს პოლიტიკა, რაზეც პასუხისმგებლობა ივანიშვილსა და ოცნებას ეკისრებათ - TI წამებაზე

საია - გავრცელებული შემაშფოთებელი კადრები სისტემური და სისტემატური საპოლიციო ძალადობის კიდევ ერთ ილუსტრაციას წარმოადგენს, რომელიც წლების განმავლობაში ავტორიტარული რეჟიმის ხელწერად იქცა