2021-08-30 19:04:57, 898 ნახვა

---

ციციშვილის კლინიკის დირექტორი - „დელტა“ შტამის განსაკუთრებული სამიზნე რატომღაც ბავშვები და ორსულები აღმოჩნდა

გარდა იმისა, რომ „დელტა“ შტამი ბევრად უფრო გადამდებია, ვიდრე მისი წინამორბედი მუტაციები, განსაკუთრებული სამიზნე რატომღაც ბავშვები და ორსულები აღმოჩნდა. - ამის შესახებ ციციშვილის ბავშვთა ახალი კლინიკის სამედიცინო დირექტორმა მაია ჩხაიძემ ჟურნალისტებთან საუბრისას განაცხადა.

მისივე თქმით, კორონავირუსის წინა ტალღების დროს, მათ კლინიკაში არც ერთ პაციენტს არ დასჭირდა მართვით სუნთქვაზე გადაყვანა.

„გარდა იმისა, რომ „დელტა“ შტამი ბევრად უფრო გადამდებია, ვიდრე მისი წინამორბედი მუტაციები, განსაკუთრებული სამიზნე რატომღაც ბავშვები და ორსულები აღმოჩნდა. როგორც ვხედავთ, ბავშვებში მძიმე მიმდინარეობა მიიღო, რაც წინა შტამების და ტალღების დროს არ შეიმჩნეოდა. არცერთ პაციენტს იმ პერიოდში არ დასჭირდა მართვით სუნთქვაზე გადაყვანა“,- აღნიშნავს მაია ჩხაიძე.

მისივე თქმით, ამ დროისთვის კლინიკაში კოვიდმიმღები 175 საწოლია, აქდან 25 რეანიმაციული, ყოველდღე 15-18 ბავშვი ეწერება, მაგრამ „პერმანენტულად ივსება კლინიკა ახალი პაციენტებით“.

 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი