ცენტრალური საარჩევნო კომისიის თავმჯდომარე დღეს ლიეტუვას ელჩს საქართველოში ანდრიუს კალინდრას და მის მოადგილეს საულიუს ვალაინისს შეხვდა. გიორგი კალანდარიშვილმა მათ მიაწოდა ინფორმაცია იმის შესახებ თუ როგორ მიმდინარეობს საარჩევნო რეფორმის იმპლემენტაცია და   რა ღონისძიებებს ახორციელებს ცესკო პანდემიის პირობებში არჩევნების უსაფრთხოდ და დემოკრატიული სტანდარტების დაცვით ჩატარების მიზნით. შეხვედრაზე განხილული იყო სადამკვირვებლო მისიების საკითხიც.

„მე მათ ვთხოვე ჩაერთონ სადამკვირვებლო მისიებში, რაზეც ლიეტუვას მხარემ მზადყოფნა გამოთქვა. ბატონმა ელჩმა განაცხადა, რომ ორი ოქტომბრის არჩევნებზე დაკვირვების სურვილს ლიეტუვას პარლამენტის წევრების ნაწილიც გამოთქვამს, შესაბამისად ვმუშაობთ იმაზე თუ როგორ უნდა მოხდეს მათი საერთაშორისო დამკვირვებლებად ჩართვა. გარდა ამისა, ბატონ ელჩთან განვიხილეთ ორმხრივი თანამშრომლობის კიდევ უფრო გაღრმავებისა და გაძლიერების შესაძლებლობები“ - განაცხადა გიორგი კალანდარიშვილმა შეხვედრის შემდგომ.

თავის მხრივ ლიეტუვას ელჩმა ცენტრალურ საარჩევნო კომისიას მხარდაჭერა გამოუცხადა და აღნიშნა თუ რამდენად მნიშვნელოვანია  ცესკოს როლი საარჩევნო პროცესის ღიად და სამართლიანად წარმართვის პროცესში. ანდრიუს კალინდრამ არჩევნების ღიად და სამართლიანად ჩატარებაში საერთაშორისო მისიების მნიშვნელობაზეც ისაუბრა და იმედი გამოთქვა, რომ ორი ოქტომბრის არჩევნებს ბევრი სადამკვირვებლო მისია დააკვირდება. 

„ჩვენ ყოველთვის გვერდით ვუდგავართ საქართველოს დემოკრატიული განვითარების, ევროპული და ევროატლანტიკური ინტეგრაციის გზაზე. დემოკრატიზაციის მთავარ წყაროს კი სწორედ რომ ღია, სამართლიანი და გამჭვირვალე საარჩევნო პროცესის ხელშეწყობა წარმოადგენს.  ამ კუთხით, მინდა აღვნიშნო, ცენტრალური საარჩევნო კომისიის როლი, რომელიც ძალისხმევას არ იშურებს სანდო საარჩევნო გარემოს ხელშეწყობისთვის, განსაკუთრებით კი ამჟამინდელი მუნიციპალური არჩევნებისთვის. მინდა ხაზი გავუსვა, რომ საზოგადოების მხრიდან არჩევნებისადმი მაღალი ნდობის მისაღწევად ჩვენი და საერთაშორისო სადამკვირვებლო მისიების ჩართულობა განსაკუთრებით მნიშვნელოვანია. დარწმუნებული ვარ, 2 ოქტომბრის მუნიციპალურ არჩევნებში ჩაერთვება ბევრი საერთაშორისო დამკვირვებელი და საარჩევნო ადმინისტრაციისგან იქნება დიდი ხელშეწყობა ამ მიმართულებით. ლიეტუვას მოქალაქეები საარჩევნო მისიებით აუცილებლად ჩამოვლენ 2 ოქტომბრისთვის. საქართველოს მომავალი ეს არის ევროპის მომავალი,“ - განცხადა ანდრიუს კალინდრამ.

ავტორი: NS (სტატია დაფინანსებულია),

სოციალური ქსელები

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ