ზურაბ აბაშიძემ მოსახლეობასთან საუბრისას მთაწმინდის განვითარების ხელშეწყობის კუთხით სამომავლო გეგმები განიხილა

2021-08-20 18:11:37, 659 ნახვა

საზოგადოება

„ქართული ოცნების“ თბილისის საკრებულოს მთაწმინდის რაიონის მაჟორიტარი დეპუტატობის კანდიდატი ზურაბ აბაშიძე აგრძელებს მოსახლეობასთან შეხვედრებს.-ინფორმაციას "ქართული ოცნების" პრესსამსახური ავრცელებს

მათი ცნობით, მაჟორიტარობის კანდიდატმა, მთაწმინდის რაიონის გამგებელ დავით კირკიტაძესთან და საკრებულოს თავმჯდომარის პირველ მოადგილე გიგა ახვლედიანთან ერთად, შეხვედრა ბროსესა და ჯამბულის ქუჩის მცხოვრებლებთან გამართა და მათ საჭიროებებს ადგილზე გაეცნო.

„ვაგრძელებ მოსახლეობასთან შეხვედრებს, ვისმენ მოქალაქეების რჩევებსა და სურვილებს. ვეცდები მთაწმინდელების ნდობით აღჭურვილი მანდატის მოპოვებას, რათა შემდეგ მათთან ერთად ვიზრუნო და ვიშრომო ჩვენი თბილისის ისტორიული უბნის კეთილდღეობისთვის. მადლობა მინდა ვუთხრა მთაწმინდის მცხოვრებლებს შეხვედრებში მონაწილეობისთვის. თითოეული მათგანისგან იგრძნობა განსაკუთრებული სითბო, მხარდაჭერა და იმედიანი განწყობა“.-განაცხადა აბაშიძემ

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),