OC MEDIA-ს მომზადებულ სტატიაში საერთაშორისო სოციალური კვლევის პროგრამის, ISSP-ის კვლევის შედეგებზეა საუბარი, რომლის მიხედვითაც, საქართველო ევროპაში ყველაზე ჰომოფობიურ ქვეყნად სახელდება.

„საქართველოში ბოლოდროინდელმა მოვლენებმა კიდევ ერთხელ გამოავლინა ჰომოფობიის მასშტაბი ქვეყანაში და გამოკითხულთა მონაცემები ცხადყოფს, რომ ქვეყანა შესაძლოა იყოს ყველაზე ჰომოფობიური, კონტინენტზე“, - აღნიშნულია სტატიაში.

ISSP-ის გამოკითხვა 33 ქვეყანაში, ძირითადად ევროპაში ჩატარდა. რესპონდენტებს დაუსვეს შეკითხვა, არის თუ არა არასწორი სქესობრივი კავშირი ერთი სქესოს ორ ზრდასრულ ადამიანს შორის. საქართველოში გამოკითხულთა 84%-მა თქვა, რომ ეს ყოველთვის არასწორია.

საქართველო ამ მაჩვენებლით კვლევის პირველ ადგილზეა, მას კი, თურქეთი მოსდევს, სადაც აღნიშნულ კითხვაზე მსგავსი პასუხი გამოკითხულთა 80%-მა გასცა, თურქეთს კი, 78%-ით ფილიპინები მოსდევს. მეოთხე ადგილზე, 69%-ით რუსეთია.

აღსანიშნავია, რომ ISSP-ს გამოკითხვა აზერბაიჯანსა და სომხეთში არ ჩაუტარებია.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს