რუსეთი საქართველოსთან ავიამიმოსვლის აღდგენის განხილვისთვის მზად არის. ამის შესახებ ჟურნალისტებს საგარეო საქმეთა კომიტეტის ხელმძღვანელმა გრეგორი კარასინმა განუცხადა. ინფორმაციას საინფორმაციო სააგენტო TASS.RU ავრცელებს.

„მზად ვართ ეს საკითხი (ავიამიმოსვლის განახლების პრობლემა) განვიხილოთ. ვფიქრობ, ადრე თუ გვიან საკითხი გადაწყდება“, - განაცხადა კარასინმა.

ამასთან, მას გადაწყვეტილების მიღების კონკრეტული თარიღის დასახელება გაუჭირდა. გრეგორი კარასინი იმედოვნებს, რომ საქართველოს პრემიერ-მინისტრის სპეციალურ წარმომადგენელ ზურაბ აბაშიძესთან პირისპირი შეხვედრა სექტემბერ-ოქტომბერში შედგება, თუმცა მისივე თქმით, შეხვედრის ადგილი ჯერ შეთანხმებული არ არის.

„ყველაფერი პანდემიისგან გამომდინარეობს“, - აღნიშნა კარასინმა.

პრემიერის სპეციალური წარმომადგენელი ზურაბ აბაშიძე ადასტურებს, რომ საგარეო საქმეთა მინისტრის მოადგილე გრიგორი კარასინთან შეხვედრისას რუსეთ-საქართველოს შორის პირდაპირი ფრენების აღდგენაზე საუბარი ჯერ კიდევ მაისში შედგა.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს