„ვაქცინაცია არის ერთ-ერთი თუ არა,  ყველაზე მნიშვნელოვანი პროცესი იმისთვის, რომ ტურიზმის, ავიაციის ინდუსტრიებმა და ზოგადად, ეკონომიკამ მდგრადად განაგრძოს გაძლიერება და განვითარება", - ამის შესახებ  ეკონომიკისა და მდგრადი განვითარების მინისტრის მოადგილე მარიამ ქვრივიშვილმა განაცხადა, რომელიც დღეს კლინიკა „მედისონში"  „სინოფარმის" წარმოების ვაქცინის პირველი დოზით აიცრა.

როგორც მარიამ ქვრივიშვილმა ვაქცინაციის პროცესის შემდეგ აღნიშნა, თავს შესანიშნავად გრძნობს. ის საზოგადოების თითოეულ წევრს მოუწოდებს ვაქცინაციისკენ, რათა დაიცვან როგორც საკუთარი თავი, ისე მათი ახლობლები.

„განსაკუთრებით მოვუწოდებ ტურიზმის და ავიაციის სექტორში დასაქმებულ ადამიანებს - იქიდან გამომდინარე, რომ თქვენ ხართ ფრონტის წინა ხაზზე და ჩვენ უნდა უზრუნველვყოთ, პირველ რიგში, თქვენი და თქვენ გვერდში მყოფი ადამიანების უსაფრთხოება. ჩვენს ქვეყანაში ვაქცინაციის სწრაფი ტემპი, რა თქმა უნდა, გადამწყვეტი იქნება ამ ინდუსტრიების გაძლიერების კუთხით. და ის რომ, დღეს ჩვენ ქვეყანაში გვაქვს ვაქცინების საკმარისზე მეტი რაოდენობა, რა თქმა უნდა, იმის წინაპირობაა, რომ ჩვენ მდგრადად განვაგრძობთ ყველა სტრატეგიული ინდუსტრიის და ეკონომიკის გაძლიერებას", - განაცხადა მარიამ ქვრივიშვილმა.

ავტორი: NS (სტატია დაფინანსებულია),

სოციალური ქსელები

დიდი შვიდეულის ლიდერები შეთანხმდნენ, რომ ნავთობისა და გაზის საშუალებით რუსეთზე ზეწოლას გააძლიერებენ

ტრამპმა ირანთან შეთანხმების გამო რუსული ნავთობის წინააღმდეგ სანქციების აღდგენის შესახებ განაცხადა

თიბისი კაპიტალმა მაკროეკონომიკური განახლება გამოაქვეყნა

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა