2021-07-23 13:39:47, 730 ნახვა
საზოგადოება
ისრაელის მთავრობის გადაწყვეტილებით, 30 ივლისიდან საქართველო „წითელი“ ქვეყნების სიაში შედის
საქართველოში ისრაელის საელჩოს ინფორმაციით, ისრაელის მთავრობის გადაწყვეტილებით, 30 ივლისიდან საქართველო „წითელი“ ქვეყნების სიაში შედის, სადაც ისრაელელი ვიზიტორებისთვის გამგზავრება ნებადართული აღარ იქნება
საელჩოს ცნობით, აღნიშნული სტატუსის გადახედვა ყოველკვირეულად მოხდება.
„ისრაელის მთავრობის გადაწყვეტილებით, 30 ივლისიდან საქართველო შედის "წითელი" ქვეყნების სიაში, სადაც ისრაელელი ვიზიტორებისთვის გამგზავრება ნებადართული აღარ იქნება (გამონაკლისი შემთხვევების გარდა).
აღნიშნული სტატუსის გადახედვა მოხდება ყოველკვირეულად და საქართველოში ეპიდემიოლოგიური მდგომარეობის გაუმჯობესების შემთხვევაში, შესაბამისი შეზღუდვები შემცირდება, ან მოიხსნება“, - აღნიშნულია საელჩოს მიერ გავრცელებულ განცხადებაში.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
