საქართველოს ჟურნალისტური ეთიკის ქარტია დედაქალაქის მერის, კახა კალაძის მიერ 20 ივლისს, მედიის საქმიანობის ძალადობრივი ჯგუფების ქმედებასთან შედარებას გმობს და განცხადებას ავრცელებს.

ქარტიაში განმატავენ, რომ საქართველოში ჟურნალისტების თავისფაული მუშაობისთვის არასათანადო გარემო იქმნება და პოლიტიკოსების აგრესიული რიტორიკა მედიის წარმომადგენლების უსაფრთხოებაზე აისახება.

ჟურნალისტური ეთიკის ქარტია მოუწოდებს ხელისუფლების წარმომადგენლებს საკუთარი აგრესიული დამოკიდებულებით არ წაახალისონ მედიის წარმომადგენლებზე თავდასხმა და შეწყვიტონ საუბარი აზრის, სიტყვისა და გამოხატვის თავისუფლების შემზღუდავ ნორმებზე, მხარი დაუჭირონ მედიის თავისუფლებას და გადავიდნენ საქმიანი ურთიერთობის რეჟიმზე.

,,ჩვენ არაერთხელ გამოვთქვით შეშფოთება პოლიტიკოსების აგრესიული რიტორიკის გამო, რომლითაც საქართველოში იქმნება არასათანადო გარემო მედიაორგანიზაციებისა და ჟურნალისტების თავისუფალი მუშაობისათვის. აღნიშნული უარყოფითად აისახება ჟურნალისტთა უსაფრთხოებაზე. სწორედ მმართველი პარტიის განცხადებებით იქნა წახალისებული 5 ივლისს მედიის 53 წარმომადგენლის მიმართ ძალადობრივი ქმედებები“, - აღნიშნულია განცხდებაში.

შეგახსენებთ, რომ გუშინ, 20 ივლისს, კახა კალაძემ მისი თბილისის მერობის კანდიდატად წარდგენისას განაცხადა, რომ ძალადობა და სიძულვილი კლავს ჩვენს ქვეყანას, თუმცა „არანაკლები ბოროტებაა ფსიქოლოგიური ძალადობა“. მისივე თქმით, წლების განმავლობაში სხვაასხვა ტელეეთერებიდან და ტელევიზიებიდან ხდება ადამიანების დამცირება, ცილისწამება, მათი ბულინგი, განსხვავებული პოლიტიკური თუ სხვა ნიშნის გამო.

ავტორი: ექსპრესნიუსი,

სოციალური ქსელები

დიდი შვიდეულის ლიდერები შეთანხმდნენ, რომ ნავთობისა და გაზის საშუალებით რუსეთზე ზეწოლას გააძლიერებენ

ტრამპმა ირანთან შეთანხმების გამო რუსული ნავთობის წინააღმდეგ სანქციების აღდგენის შესახებ განაცხადა

თიბისი კაპიტალმა მაკროეკონომიკური განახლება გამოაქვეყნა

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა