ტუბერკულოზის, COVID-19-ის, C ჰეპატიტის, აივ/შიდსის, დიაბეტისა და არტერიული ჰიპერტენზიის ერთდროულ სკრინინგს, მალე ბათუმის, ქობულეთის, ხელვაჩაურისა და ხულოს მუნიციპალიტეტების მოსახლეობა,  მობილურ კლინიკაში, სახლთან ახლოს შეძლებს.

წინასწარ შერჩეულ ,,ცხელ წერტილებში“ ადგილობრივები, სერვისით უფასოდ ისარგებლებენ და ინსტრუმენტულ-ლაბორატორიულ კვლევებს უახლესი მეთოდებით ჩაიტარებენ. 

აქტიურ სკრინინგს განახორციელებს:

- ექიმი ფთიზიატრი-პულმონოლოგი;

- რადიოლოგი;

- ლაბორანტი;

- ეპიდემიოლოგი/შემთხვევის მენეჯერი;

- ოჯახის ექიმი/სოფლის ექიმი.

სკრინინგი პროექტის -  „აჭარისა და სამეგრელო-ზემო სვანეთის რეგიონებში ნულოვანი ტუბერკულოზის ინიციატივის ხელშეწყობა და ტუბერკულოზის აქტიური გამოვლენა ტუბერკულოზის, COVID-19-ის, აივ/შიდსის, C ჰეპატიტის აქტიური სკრინინგისა და კონტაქტების კვლევის პილოტირების გზით“ ფარგლებში, აჭარაში   19 ივლისიდან - 15 სექტემბრამდე განხორციელდება.

აჭარის ჯანდაცვის სამინისტროში, დღეს პროექტის ფარგლებში სამუშაო შეხვედრა გაიმართა, რომელსაც მინისტრი, ნინო ნიჟარაძე,  აჭარის საზოგადოებრივი ცენტრის, პარტნიორი სამედიცინო დაწესებულებების წარმომადგენლები და პროექტის უშუალო განმახორციელებლები ესწრებოდნენ. შეხვედრაზე დეტალურად განიხილეს დაგეგმილი აქტივობები და ისაუბრეს სერვისის მიწოდების მნიშვნელობაზე.

ავტორი: NS (სტატია დაფინანსებულია),

სოციალური ქსელები

ირმა ინაშვილი - დავაკავეთ დამნაშავე პოლიციელებიო, სიამაყით რომ წერთ, 4 წლის მანძილზე ამ სადისტებმა კიდევ რამდენი დაკავებული აწამეს

მოსკოვმა ბენზინის გაყიდვებზე შეზღუდვები დააწესა

მივმართავთ ადამიანებს, ვისაც აქვთ სისტემური წამების კადრები, გაასაჯაროვეთ – ალიანსი

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა