ორბელიანების სასახლეში სალომე ზურაბიშვილი ნინო ლომჯარიას ხვდება

2021-07-12 17:19:36, 849 ნახვა

საზოგადოება

სახალხო დამცველი, ნინო ლომჯარია ორბელიანების სასახლეში პრეზიდენტ სალომე ზურაბიშვილთან შესახვედრად მივიდა.

როგორც შეხვედრის დაწყებამდე ლომჯარიამ ჟურნალისტებთან განაცხადა, პრეზიდენტთან ისაუბრებს თბილისში ბოლო დროს განვითარებულ პროცესებთან დაკავშირებით.

„დღეს მოვედი საქართველოს პრეზიდენტთან, რომელიც არის ჩვენი ქვეყნის სახელმწიფოს მეთაური და მინდა ჩემი მოსაზრებები და წუხილები გავუზიარო შექმნილ ვითარებასთან დაკავშირებით, ასევე ვესაუბრო გამოძიებასთან მიმართებითაც. არაერთხელ გავაკეთე განცხადება და მოვუწოდე შსს-ს და პროკურატურას დაიწყონ გამოძიება დანაშაულებრივი ორგანიზებული თავდასხმების ორგანიზატორების გამოსავლენად. სამწუხაროდ, ეს დღემდე არ მომხდარა, მე მინდა ამაზეც ვესაუბრო პრეზიდენტს და ზოგადად შექმნილ ვითარებაზე რას ფიქრობს თავად“, - განაცხადა ნინო ლომჯარიამ.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,