ჩეხეთის ელჩი - საქართველოში დემოკრატიის ბედი საფრთხეშია, ყველა აქტორმა უნდა იმოქმედოს სრული პასუხისმგებლობით

2021-07-06 10:33:28, 757 ნახვა

პოლიტიკა

შოკირებული ვარ თბილისში ძალადობის, ჟურნალისტებსა და არასამთავრობო ორგანიზაციების ოფისებზე თავდასხმის სცენებით, - ამის შესახებ საქართველოში ჩეხეთის ელჩი, პეტრ მიკისკა „ტვიტერში“ წერს.

როგორც ელჩი აღნიშნავს, საქართველოში დემოკრატიის ბედი საფრთხეშია და ყველა აქტორმა, მათ შორის მთავრობამ, უნდა იმოქმედოს სრული პასუხისმგებლობით.

„შოკირებული ვარ თბილისში ძალადობის, ჟურნალისტებსა და არასამთავრობო ორგანიზაციების ოფისებზე თავდასხმის სცენებით. დამნაშავეებმა დაუყოვნებლივ უნდა აგონ პასუხი, კონსტიტუციური უფლებები და თავისუფლებები კი აღდგენილ უნდა იქნას. საქართველოში დემოკრატიის ბედი საფრთხეშია და ყველა აქტორმა, მათ შორის მთავრობამ, უნდა იმოქმედოს სრული პასუხისმგებლობით“, - წერს ჩეხეთის ელჩი.

Shocked by scenes of violence, attacks on journalists and NGOs offices in Tbilisi. Perpetrators must be brought to justice immediately, Constitutional rights and freedoms restored. Democracy in Georgia is at stake and all actors incl Government must act with full responsibility.
— Petr Mikyska (@mikyska_petr) July 5, 2021