2021-07-02 10:22:25, 533 ნახვა
საზოგადოება
კორონავირუსი კიდევ 30-მდე აბიტურიენტს დაუდასტურდა
შეფასებისა და გამოცდების ეროვნული ცენტრის ხელმძღვანელ სოფიო გორგოძის ინფორმაციით, კორონავირუსი კიდევ 30-მდე აბიტურიენტს დაუდასტურდა.
„ყველა ცენტრში ერთდროულად დაიწყო რეგისტრაცია და მშვიდ ვითარებაში წარიმართა, რაც შეეხება ინფიცირებულების სტატისტიკას, დღეს უნდა გამოცხადებულიყო 30-მდე აბიტურიენტი, რომლებსაც კორონავირუსი დაუდასტურდა", - განაცხადა სოფიო გორგოძემ.
შეგახსენებთ, რომ გუშინ გამართულ პირველ ეროვნულ გამოცდაზე კორონავირუსი 20-მდე აბიტურიენტს დაუდასტურდა.
შეგახსენებთ, რომ აბიტურიენტებს, რომლებსაც 2021 წლის ერთიანი ეროვნული გამოცდების პერიოდში კორონავირუსი დაუდასტურდებათ, შეფასებისა და გამოცდების ეროვნული ცენტრი საგანგებოდ შედგენილი ცხრილის მიხედვით, გამოცდას შესაბამის საგანში არაუადრეს 2 კვირისა ჩაუტარებს.
ავტორი: ექსპრესნიუსი,
epn.ge (@expressnews.ge)
