ევროპის ჩემპიონი, ალბათ, სასამართლოს წინაშე მისცემს ჩვენებას და იტყვის, „როგორ ეტკინა გიგი უგულავამ რომ სცემა აეროპორტში“, - ამის შესახებ ოპოზიციონერი პოლიტიკოსის, გიგი უგულავას ადვოკატმა, გიორგი გელხაურმა ჟურნალისტებს განუცხადა.

როგორც მან აღნიშნა, ბადრი გავაშელიშვილის ჩვენებებს თავდაყირა აყენებს დათვალიერების ოქმი, სადაც საუბარია აეროპორტის კამერებიდან ამოღებულ ჩანაწერებზე.

„ევროპის ჩემპიონი ალბათ სასამართლოს წინაშე მისცემს ჩვენებას და იტყვის, როგორ ეტკინა გიგი უგულავამ რომ სცემა აეროპორტში, რა გრნობა დაეუფლა გიგი ცემის შემდეგ. ალბათ, მოუყვება მართლმსაჯულებას, რამდენად ძლიერი დარტყმა აქვს გიგის და როგორ იგრძნო ის ტკივილი, რომელიც ცემის დროს მიიღო. რაც შეეხება გავაშელიშვილის ჩვენებას, მას  აბსოლუტურად თავდაყირა აყენებს ის დათვალიერების ოქმი, როდესაც გამომძიებლებთან ერთად დავათვალიერეთ აეროპორტის შიდა პერიმეტრზე განთავსებული კამერები, სადაც ჩანს, როგორ ჩაუსაფრდნენ გიგი უგულავას და შემდგომ უკვე როგორ დაესხნენ თავს“, - განაცხადა გიორგი გელხაურმა.

ცნობისთვის, თბილისის საქალაქო სასამართლოში დღეს ოპოზიციონერი პოლიტიკოსის, გიგი უგულავას საქმეზე დაზარალებულად ცნობილი ძიუდოისტი, ბადრი გავაშელიშვილი გამოიკითხება. დღევანდელ პროცესს დაესწრება თავად ბრალდებულიც. 

საქმე ეხება 2019 წლის 11 დეკემბერს თბილისის საერთაშორისო აეროპორტში მომხდარ ინციდენტს. გამოძიების ინფორმაციით, გიგი უგულავამ ევროპის ჩემპიონ ბადრი გავაშელიშვილზე იძალადა.

ავტორი: ექსპრესნიუსი,

სოციალური ქსელები

მთავრობამ რუსეთიდან დიზელის საწვავის ექსპორტი აკრძალა, ბენზინისა და თვითმფრინავის საწვავის შემდეგ

ნატოს ქვეყნები ორი წლის განმავლობაში უკრაინას 140 მილიარდი ევროს ოდენობის დახმარება გამოუყოფენ

ყოფილმა მთავარსარდალმა ზალუჟნიმ მოსაზრებას, რომ რუსეთმა ომი წააგო, „სახიფათო და არასწორი“ უწოდა

სააპელაციომ მკვლელობის მცდელობაში ბრალდებულს 17 წლით პატიმრობა მიუსაჯა