თავდაცვის ინსტიტუციური აღმშენებლობის სკოლის (DIBS) დაარსებიდან ხუთი წელი გავიდა.

საქართველოს თავდაცვის მინისტრის მოადგილემ გრიგოლ გიორგაძემ DIBS-ის საიუბილეო ღონისძიებაზე მოწვეულ სტუმრებს სიტყვით მიმართა და თავდაცვისა და უსაფრთხოების სექტორის ინსტიტუციური შესაძლებლობების განვითარების პროცესში მის როლზე ისაუბრა. მან სკოლის განვითარებაში აქტიური ჩართულობისთვის მადლობა გადაუხადა გერმანელ და სლოვაკ მრჩევლებს, რომლებსაც მნიშვნელოვანი წვლილი მიუძღვით DIBS-ის წარმატებაში და აღნიშნა მჭიდრო პარტნიორობა ჰოლანდიის კლინგენდაელის ინსტიტუტთან, რაც სწავლების მაღალ ხარისხს უზრუნველყოფს. DIB სკოლას იუბილე SNGP-ის ძირითადი ჯგუფის ხელმძღვანელმა, პოლკოვნიკმა ნორბერტ ჰესმა, გერმანიის ელჩმა ჰუბერტ ქნირშმა და სლოვაკეთის ელჩის მოადგილემ ზუზანა პალოშოვამ მიულოცეს.

მოწვეულ სტუმრებს თავდაცვის ინსტიტუციური აღმშენებლობის სკოლის დირექტორმა, თეა ნიკოლაშვილმა სკოლის ხუთი წლის ანგარიში წარუდგინა და სამომავლო გეგმები გააცნო.

დღესვე, თავდაცვის მინისტრის მოადგილემ DIBS-ის დირექტორთან ერთად წლის საუკეთესო მომხსენებელი ირაკლი მენაღარიშვილი დააჯილდოვა. ასევე, თავდაცვის მინისტრის მადლობის სიგელით სკოლის განვითარებაში შეტანილი წვლილისთვის დაჯილდოვდნენ DIBS-ის თანამშრომლები.

ღონისძიებას თავდაცვის მინისტრის მოადგილეები, თავდაცვის ძალების ხელმძღვანელი პირები და საქართველოში აკრედიტებული დიპლომატიური კორპუსის წარმომადგენლები დაესწრნენ.

თავდაცვის ინსტიტუციური აღმშენებლობის სკოლა 2016 წელს შეიქმნა, რომელიც ნატო-საქართველოს არსებითი პაკეტის (SNGP) ერთ-ერთი უმნიშვნელოვანესი პროექტია. სკოლის მისიაა საქართველოს თავდაცვის სამინისტროში პროფესიული და ინსტიტუციური განვითარების ხელშეწყობა, მთავრობასა და სამოქალაქო საზოგადოებაში თავდაცვისა და უსაფრთხოების პოლიტიკის ერთიანი აღქმის ჩამოყალიბების მხარდაჭერა, საქართველოს უსაფრთხოების სექტორს, რეგიონსა და ნატოს პარტნიორ ქვეყნებს შორის თანამშრომლობის ხელშეწყობა.

ავტორი: NS (სტატია დაფინანსებულია),

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს