ჯანდაცვის მინისტრი ეკატერინე ტიკარაძე აცხადებს, რომ საქართველოში კორონავირუსის ე.წ ინდური შტამის დომინანტობა მოსალოდნელია.

როგორც მინისტრი განმარტავს, მნიშვნელოვან იარაღად კვლავ რჩება ვაქცინაცია, სოციალური დისტანციის დაცვა და პირბადის ტარება.

„რა თქმა უნდა, ამ შტამის დომინანტობა მოსალოდენელი იყო და არის ახლაც. მნიშვნელოვან იარაღად კვლავ რჩება პირველ რიგში ვაქცინაცია, სოციალური დისტანცია და ნიღაბი. მნიშვნელოვანი არის, რომ ჩვენ აუცილებლად დავიცვათ ის რეგულაცია, რომელიც პანდემიის დაწყებიდან არის საქართველოში შემოღებული. ჩვენ არ ვვარაუდობთ, რომ რაიმე სახის გართულებას ექნება ადგილი. თუმცა, მნიშვნელოვანი არის ნებისმიერი სიმპტომის დაფიქსირებისას დროულად მივმართოთ ექიმს და დროულად ჩავიტაროთ ტესტი“, - განაცხადა ეკატერინე ტიკარაძემ.

მანვე დასძინა, რომ საქართველოში ვაქცინაციის პროცესი შეუფერხებლად მიმდინარეობს.

„ჩვენ არ გვაქვს არანაირი შეფერხება არც საწოლფონდის, არც ოჯახის ექიმების, მათი კომპეტენციების მიმართულებოთ. ასევე, ხედავთ, რომ ვაქცინაციის პროცესი მიმდინარეობს და ეტაპობრივად უფრო ძლიერდება, ემატება როგორც ვაქცინები, ასევე ვაქცინაციისთვის საჭირო ყველა ბრიგადა და დაწესებულებები. აქედან გამომდინარე, ჩვენ ამ კუთხით ვერ ვხედავთ, რომ გარკვეული რისკები არსებობს“, – განაცხადა ეკატერინე ტიკარაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

საქართველოში ვიზიტის შემდეგ, ევროსაბჭოს ადამიანის უფლებათა კომისარი ანგარიშს აქვეყნებს

მოემზადეთ PLUS-ის დაბადების დღისთვის - მიიღეთ 20%-იანი PLUS ქულების ქეშბექი Alta-ში DREAME-ის პროდუქციის შეძენისას

ქალი პოლიტიკოსები რუსთავის ციხესთან შეიკრიბნენ და ელენე ხოშტარიას სოლიდარობა გამოუცხადეს

4 სრულად დაფინანსებული კურსი Businesscourse.ge-ზე, თუ კონტენტის შექმნა გაინტერესებს