2021-06-01 22:10:26, 706 ნახვა

---

აჭარაში, შსს-ს 45 თანამშრომელს Covid-19 პანდემიასთან ბრძოლაში შეტანილი წვლილისთვის მადლობის სიგელები გადაეცათ

პოლიციელის დღესთან დაკავშირებით აჭარაში, შინაგან საქმეთა სამინისტროს სხვადასხვა დანაყოფის 45 თანამშრომელს Covid-19 პანდემიასთან ბრძოლაში შეტანილი წვლილისთვის მადლობის სიგელები გადაეცათ.

პროფესიული დღე პოლიციელებს აჭარის ა/რ ჯანმრთელობისა და სოციალური დაცვის მინისტრმა, ნინო ნიჯარაძემ, აჭარის მთავრობის თავმჯდომარესთან, თორნიკე რიჟვაძესთან და ბათუმის მერის მოვალეობის შემსრულებელთან, არჩილ ჩიქოვანთან ერთად მიულოცა და გაწეული საქმიანობისათვის მადლობა გადაუხადა.

ღონისძიებაში მონაწილეობა მიიღეს შინაგან საქმეთა სამინისტროს აჭარის პოლიციის დეპარტამენტის დირექტორის მოადგილემ დავით ქებურიამ, საპატრულო პოლიციის დეპარტამენტის აჭარის მთავარი სამმართველოს უფროსმა დავით მაღრაძემ და შინაგან საქმეთა სამინისტროს დაცვის პოლიციის დეპარტამენტის აჭარის დაცვის პოლიციის სამმართველოს უფროსმა, კარლო ურუშაძემ.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი