„ნამახვანჰესის“ მოწინააღმდეგეები რესპუბლიკის მოედნიდან „მშრალი ხიდისკენ“ მსვლელობას მართავენ

2021-05-24 16:03:38, 473 ნახვა

საზოგადოება

„ნამახვანჰესის“ საწინააღმდეგო აქციის წევრები, რესპუბლიკის მოედნიდან „მშრალი ხიდისკენ“ მსვლელობას მართავენ.

როგორც აქციის ერთ-ერთმა ორგანიზატორმა ვარლამ გოლეთიანმა მსვლელობის დაწყებამდე განაცხადა, მშრალ ხიდზე გადაიკეტება მოძრაობა, სადაც აქციის ორგანიზატორების სიტყვით გამოსვლები გაგრძელდება.

„4 საათზე დავიწყებთ მსვლელობას, „რედისონის“ გავლით, თაბუკაშვილის ქუჩით, მშრალი ხიდის მიმართულებით. წინ გაგვიძღვება ერთი მანქანა, რომელზეც დამონტაჟებული იქნება შესაბამისი აპარატურა, რომ კომუნიკაცია დავამყაროთ ერთმანეთთან და გავყვეთ ამ მოძრაობას. მშრალი ხიდის მიმართულებით, სადაც გადაიკეტება მოძრაობა ჩვენგან, შევჩერდებით და მკაფიო ვიტყვით ჩვენს პოზიციებს“, - განაცხადა ვარლამ გოლეთიანმა.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან