„საქართველოს თავდაცვის ძალებში საკონტრაქტო სამხედრო მოსამსახურეთა გადინება საშუალოდ 47%-ით შემცირდა“,- ეს განცხადება საქართველოს თავდაცვის მინისტრმა ჯუანშერ ბურჭულაძემ პარლამენტში, „მინისტრის საათის“ ფორმატში გამოსვლისას გააკეთა.

უწყების ხელმძღვანელის განმარტებით, გატარებული ძირეული რეფორმების შედეგად თავდაცვის ძალები კიდევ უფრო გაძლიერდა და უფრო ეფექტური გახდა.  

„თავდაცვის ძალებში პრემიერის ხელმძღვანელობით დაწყებული და მიმდინარე მასშტაბური რეფორმების, გაწეული ძალისხმევისა და შესრულებული სამუშაოს შედეგად, ჩვენი ჯარისკაცების დამოკიდებულება განსაკუთრებით პოზიტიურად შეიცვალა, რასაც ადასტურებს ჯარიდან გადინების მაჩვენებლები. 2020 წელს, 2019  წელთან შედარებით საქართველოს  თავდაცვის ძალებში საკონტრაქტო სამხედრო მოსამსახურეთა გადინება შემცირდა საშუალოდ 47%-ით. 2021 წლის გადინების მაჩვენებელი შენარჩუნებულია გასული წლის ანალოგიური პერიოდის მაჩვენებელთან მიმართებაში“, - განაცხადა ჯუანშერ ბურჭულაძემ.

მინისტრის თქმით, თავდაცვის ძალებში ტრანსფორმაციის უპრეცედენტო პროცესი გუნდის, აღმასრულებელი და საპარლამენტო ხელისუფლების დამსახურებაა.

„მინდა, მადლობა გადავუხადო საქართველოს პრემიერ-მინისტრს, ირაკლი ღარიბაშვილს, რომლის დროსაც დაიწყო აღნიშნული პროცესის განსაკუთრებულად გააქტიურება, მადლობას ვუხდი მთლიანად პარლამენტს და მის თავმჯდომარეს, განსაკუთრებით თავდაცვისა და უსაფრთხოების კომიტეტს, რომელთანაც ინტენსიური თანამშრომლობა და ჩართულობა ჩამოყალიბდა, ასევე, ჩვენს საერთაშორისო პარტნიორებს, განსაკუთრებით ნატოს და მთავარ სტრატეგიულ პარტნიორს - ამერიკის შეერთებულ შტატებს, რომელთაც უმნიშვნელოვანესი წვლილი შეაქვთ ქვეყნის თავდაცვისუნარიანობის გაძლიერებაში; ჩემს გუნდს სამინისტროში და თავდაცვის ძალების ხელმძღვანელობას, თითოეულ ჯარისკაცს, რომელთა თავდადება და პროფესიონალიზმი არის ჩვენი ქვეყნის უსაფრთხოების ერთ-ერთი მთავარი გარანტი“, - აღნიშნა ჯუანშერ ბურჭულაძემ პარლამენტში სიტყვით გამოსვლისას.

ავტორი: NS (სტატია დაფინანსებულია),

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს