2021-05-10 16:39:05, 875 ნახვა
სამართალი
სასამართლომ ნიკა მელია პატიმრობიდან გაათავისუფლა
თბილისის საქალაქო სასამართლომ „ნაციონალური მოძრაობის“ თავმჯდომარე, ნიკა მელია პატიმრობიდან გაათავისუფლა.
აღნიშნული გადაწყვეტილება მოსამართლე ნინო ჩახნაშვილმა რამდენიმე წუთის წინ მიიღო და ნიკა მელიას მიმართ შეფარდებული აღკვეთის ღონისძიება პატიმრობა 40 000-ლარიანი გირაოთი შეცვალა.
დღევანდელ სასამართლო პროცესს არ ესწრებოდა თავად ბრალდებული, რადგან ის აღნიშნული საქმის განხილვის ფარგლებში მოსამართლემ სასამართლო პროცესიდან გააძევა.
ცნობისთვის, ნიკა მელიას მიმართ შეფარდებული აღკვეთის ღონისძიების პატიმრობის შეცვლასთან დაკავშირებით სასამართლოს პროკურატურამ გუშინ მიმართა. ამასთანავე, 8 მაისს ნიკა მელიას გირაოს თანხა, 40 ათასი ლარის ოდენობით ევროკავშირმა გადაიხადა.
ავტორი: ექსპრესნიუსი,
epn.ge (@expressnews.ge)
