საქართველოს საზოგადოება პოლარიზაციით, გაუთავებელი არეულობითა და დაპირისპირებებით იყო გადაღლილი და შეურაცხყოფილი, - ამის შესახებ საქართველოს პრეზიდენტმა სალომე ზურაბიშვილმა, ევროპის საბჭოს პრეზიდენტთან, შარლ მიშელთან ერთობლივ კონფერენციაზე განაცხადა.

მისივე თქმით, გუშინდელ დოკუმენტზე ხელმოწერით საზოგადოებამ ამოისუნთქ და იგრძნო, რომ დღევანდელი დღე - გამარჯვების დღეა.

 „დღეს დილიდან ახალი ხელმოწერებია შეთანხმების დოკუმენტზე და ეს იმას ნიშნავს რომ ის დინამიკა, რომელიც დაიწყო გუშინ, გრძელდება და ძალიან დიდი იმედი მაქვს, რომ მომავალ დღეებშიც გაგრძელდება და მივიღებთ სრულყოფილ შედეგს და ეს იქნება და არის უკვე, ნამდვილად ყველას გამარჯვება. პირველ რიგში, ამას აქვს ძალიან დიდი მნიშვნელობა საზოგადოებითვის, რამეთუ საზოგადოება ნამდვილად იყო დაღლილი, ვიტყოდი კიდევაც გადაღლილი, დაძაბული ამ პოლარიზაციით, დაპირისპირებით და გაუთავებელი არეულობით და თუნდაც შეურაცხყოფილი, იმიტომ რომ ეს არ არის ის ღირებულებები, რაც ყველმა ვიცით, იყო და უნდა იყოს საქართველოს ღირებულებები, ამიტომ დღევანდელ დღეს საზოგადოებამ ამოისუნთქა და თვითონაც გრძნობს, რომ ეს არის მისთვის გამარჯვების დღე“, - განაცხადა სალომე ზურაბიშვილმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს