2021-04-16 20:18:29, 823 ნახვა
რეგიონი
ხელისუფლება დაზარალებულ ოჯახებს დაეხმარება
შუახევის მუნიციპალიტეტის მერის მოვალეობის შემსრულებელმა ომარ ტაკიძემ, ხულოს, შუახევის, ქედისა და ხელვაჩურის მაჟორიტარმა დეპუტატმა აჭარის უმაღლეს საბჭოში ფრიდონ ფუტკარაძემ და სხვა ხელისუფლების წარმომადგენლებმა, სოფელ ბარათაულში ხანძრის შედეგად დაზარალებული ოჯახები მოინახულეს და პირველადი მოხმარების ნივთები და სურსათი მიუტანეს.
დაზარალებულები, მერიამ დროებითი საცხოვრებელი ფართით უზრუნველყო. უახლოეს დღეებში ოჯახს პროგრამით გათვალისწინებული, შესაბამისი ფინანსური დახმარება გაეწევა აჭარის მთავრობის სარეზერვო ფონდიდან.
შემთხვევა გუშინ ღამთ, სოფელ ბარათეულში მოხდა. ხანძარი საცხოვრებელ სახლს გაუჩნდა. შედეგად სამი სახლი და დამხმარე ნაგებობები, ასევე 19 სული პირუტყვი დაიწვა. ხანძრის შედეგად არავინ დაშავებულა.
ავტორი: NS (სტატია დაფინანსებულია),
epn.ge (@expressnews.ge)
