არამხოლოდ საქართველოს, მსოფლიოს ახასიათებს ისეთი დანაშაული, როგორიცაა, ბანკში შევარდნა და მძევლების აყვანა, - ასე ეხმაურება პარლამენტის ვიცე-სპიკერი, გია ვოლსკი ავლაბრის მეტროსთან „საქართველოს ბანკზე“ განხორციელებულ თავდასხმას.

მისი თქმით, ქვეყანაში კრიმინოგენული სტატისტიკა საგრძნობლად გაუმჯობესებულია.

„კრიმინოგენული ვითარება სტატისტიკურად არათუ გაუარესებულია, არამედ საგრძნობლად გაუმჯობესებულია, განსაკუთრებით კი მძიმე დანაშაულებში. რაც შეეხება კონკრეტულ დანაშაულს, სამწუხაროდ, ეს არ ახასიათებს მხოლოდ საქართველოს და ერთ ქვეყანას. სამწუხაროა, რომ დანაშაულზე მიდიან ადამიანებია და სამწუხაროა, რომ ზოგიერთი ადამიანის დანაშაულში წასვლა განპირობებულია არა კრიმინოგენული ხასიათიდან, არამედ სოციალური პრობლემებიდან გამომდინარე.

სამწუხაროა, მაგრამ ეს არ არის მხოლოდ საქართველოში, მსოფლიოს ახასიათებს ხანდახან ისეთი დანაშაულები, რომლებიც არის ბანკში შევარდნა და მძევლების აყვანა. ქვეყანაში სოციალურ-ეკონომიკური პრობლემები რომ არსებობს, ეს ამის ინდიკატორად არ გამოდგება. დანაშაული არ უნდა ჩაიდინო, თუნდაც ასეთ მდგომარეობაში იყო ჩავარდნილი. ბანკში შევარდნის გარეშე შემიძლია დაგიდასტუროთ, რომ პრობლემები არსებობს და ზოგიერთ ასპექტში, შესაძლოა კიდევ უფრო დამძიმდეს“, - განაცხადა გია ვოლსკიმ.

ცნობისთვის, ავლაბრის მეტროსთან მდებარე „საქართველოს ბანკის“ ფილიალში დღეს შეიარაღებული პირი შეიჭრა და რამდენიმე პირი მძევლად აიყვანა.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს