საპარლამენტო არჩევნების შემდეგ საქართველო ჩიხში შევიდა, რომელიც პოლიტიკურ კრიზისში ნიკა მელიას დაკავების შემდეგ გადაიზარდა, - ამის შესახებ აშშ-ის სახელმწიფო მდივნის ყოფილმა თანაშემწემ დემოკრატიის, ადამიანის უფლებებისა და შრომის საკითხებში დევიდ კრამერმა განაცხადა.

როგორც დევიდ კრემერმა „ეკონომიკური პოლიტიკის კვლევის ცენტრის" მიერ ორგანიზებული დისკუსიის დროს აღნიშნა, ხელისუფლება ვერ გადაჭრის ჩიხს, სანამ წამყვანი ოპოზიციური პარტიის ლიდერი, ნიკა მელია ციხეში ზის.

დევიდ კრამერის შეფასებით, ნიკა მელიას გათავისუფლების გარეშე, დასავლეთიდან ზეწოლა, ხელისუფლების  მიმართ, უნდა გაძლიერდეს.

„შემოდგომის საპარლამენტო არჩევნების შემდეგ, საქართველო შევიდა ჩიხში, რომელიც გადაიზარდა პოლიტიკურ კრიზისში მაშინ, როდესაც ბიძინა ივანიშვილმა გადაწყვიტა ნიკა მელიას დაჭერა. ყოფილმა პრემიერ-მინისტრმა გიორგი გახარიამ ნიკა მელიას დაჭერაზე უარი თქვა და თანამდებობა დატოვა. მე მივესალმე გიორგი გახარიას გადაწყვეტილებას, რადგან ვთვლი რომ ეს იყო პრინციპული პოზიცია, მაგრამ ბიძინა ივანიშვილმა ნახა გამოსავალი და გახარიას გადადგომის შემდეგ, მისი ადგილი ირაკლი ღარიბაშვილმა დაიკავა, რომელმაც მეტი ენთუზიაზმით შეასრულა ბიძინა ივანიშვილის ბრძანება ნიკა მელიას დაკავებასთან დაკავშირებით.

მე არ წარმოვადგენ „ერთიან ნაციონალურ მოძრაობას“, არ წარმოვადგენ არც ერთ პარტიას საქართველოში. არ ვარ დარწმუნებული, რომ შევხვედრივარ ნიკა მელიას, მაგრამ ვფიქრობ, რომ მისმა დაპატიმრებამ ჩიხი გადააქცია კრიზისად. არ მესმის, როგორ უნდა გადაიჭრას ჩიხი „ქართულ ოცნებასა“ და ოპოზიციას შორის, როდესაც წამყვანი ოპოზიციური პარტიის ლიდერი ციხეში ზის. მგონია, რომ „ქართულმა ოცნებამ“ და ხელისუფლებამ უნდა გადადგან პირველი ნაბიჯი, რაც არის ნიკა მელიას გათავისუფლება. გიორგი რურუაც უნდა გათავისუფლდეს, რადგან ეს უნდა მომხდარიყო ისედაც იმ შეთანხმების საფუძველზე, რომელიც ერთ წელიწადზე ცოტა მეტი ხნის წინ მიიღეს. ბატონი მელია მთავარ ოპოზიციურ პარტიას წარმოადგენს, ის უნდა იჯდეს მოლაპარაკების მაგიდასთან, ვფიქრობ, ნიკა მელიას გათავისუფლების გარეშე, დასავლეთიდან ზეწოლა უნდა გაძლიერდეს და ეს ზეწოლა უნდა გაძლიერდეს ხელისუფლების მიმართ“, -განაცხადა დევიდ კრამერმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს