პარლამენტის თავმჯდომარე არჩილ თალაკვაძე უმრავლესობიდან 6 დეპუტატის წასვსლას ეხმაურება და აღნიშნავს, როს ეს არის არასწორი გადაწყვეტილება და გიორგი გახარიას არათანმიმდევრული დამოკიდებულება.

როგორც არჩილ თალაკვაძემ აღნიშნა, არსებობს ბევრი კითხვა, რომელზეც იქნება გასაცემი პასუხები.

მისი შეფასებით, გუნდის პასუხისმგებლობაზე მითითება და საკუთარი პასუხისმგებლობისგან გათავისუფლება, მიუღებელია.

„ეს არის არასწორი გადაწყვეტილება და გიორგი გახარიამ კიდევ ერთხელ გამოავლინა ის არათანმიმდევრული დამოკიებულება, რომელიც გამოავლინა ბოლოს, რთული გადაწყვეტილების მიღების დროს, გუნდთან ურთიერთობაში. დღეს კიდევ ერთხელ დადასტურდა. სამწუხაროა, რომ ჩვენმა კოლეგებმა პირადი ურთიერთობები იმ სახელმწიფოებრივი მიზნების და პირობის ნაცვლად, რომელიც ჩვენ ერთად მივეცით საზოგადოებას და რაზეც პასუხისმგებლობა არჩევნების დროს ერთად გვქონდა აღებული.

ჩვენ დაველოდებით, ვნახავთ, რა პოლიტიკურ პარტიას შექმნიან, არსებობს ბევრი კითხვა და ამაზე ბევრი პასუხი იქნება გასაცემი. ვფიქრობთ, ეს არის არასწორი გადაწყვეტილება და მაშინ, როდესაც ის პრობლემები არის ქვეყანაში, რაზეც ისაუბრეს, გუნდის პასუხისმგებლობაზე მითითება და საკუთარი პასუხისმგებლობისგან გათავისუფლება მიუღებელია“, - განაცხადა არჩილ თალაკვაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს