გიორგი გახარიას გუდნმა პარტია „ქართული ოცნება“ დატოვა. საგანგებო განცხადება გიორგი ხოჯევანიშვილმა პარლამენტში გააკეთა.

როგორც გიორგი ხოჯევანიშვილმა აღნიშნა, გიორგი გახარიას თანამოაზრეები იწყებენ ექს-პრემიერთან ერთად ახალი პარტიის მშენებლობას.

„ჩვენ ვართ გიორგი გახარიას გუნდის წევრები, თანამოაზრეები და გვაერთიანებს საერთო ღირებულებები და ფასეულობები. ეს სიახლე არავისთვისაა, თუმცა ჩვენ დღეიდან გიორგი გახარიასთან ერთად ერთობლივი გადაწყვეტილებით გადავდივართ, პარტიის მშენებლობის ახალ ეტაპზე და ახალ ფაზაზე. შესაბამისად, ვტოვებთ „ქართულ ოცნებას“ და პარლამენტში ამ ეტაპზე მუშაობას გავაგრძლებთ როგორც დამოუკიდებელი დეპუტატები.

მოქალაქეებს უწევთ ყოველდღიურ რეჟიმში გამკლავება ისეთი პრობლემების წინაშე, როგორიცაა პანდემია, ეკონომიკური კრიზისი, უმუშევრობა, სიდუღჭირე და ეს ის პრობლემებია, რომელიც ჩვენ მოქალაქეებს აინტერესებთ და არა დაუსრლებელი პოლიტიკური პარტიების დაპირისპირება და კინკლაობა. ჩვენ არ გვეშინია სიმართლის თქმის და პრობლემებისთვის თვალის გასწორების. დეტალურად, სამომავლო გეგმებზე, გუნდის ლიდერთან ერთად მოგვიანებით მოგახსენებთ“, - განაცხადა გიორგი ხოჯევანიშვილმა.

გიორგი ხოჯევანიშვილთან ერთად „ქართულ ოცნებას“ ტოვებენ დეპუტატები: ბექა ლილუაშვილი, ანა ბუჩუკური, ალექსანდრე მოწერელია, მიხეილ დაუშვილი.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს