2008 წელს ბუქარესტის სამიტზე ნატო-მ საქართველოსა და უკრაინას პირობა მისცა, გვჯერა, რომ ალიანსი შეასრულებს დანაპირებს, - ამის შესახებ უკრაინის საგარეო საქმეთა მინისტრმა დიმიტრი კულებამ NATO-ს გენერალურ მდივანთან, იენს სტოლტენბერგთან ერთობლივ პრესკონფერენციაზე განაცხადა.

მისი თქმით, უკრაინითვის ნატო-ში გაწევრიანება დროის საკითხია.

„2008 წელს ბუქარესტის სამიტზე ნატო-მ პირობა მისცა საქართველოსა და ურაინას და ჩვენ გვჯერა, რომ ალიანსი არის ინსტიტუტი, რომელსაც შეგვიძლია ვენდოთ და ის შეასრულებს დანაპირებს. ჩვენთვის უკრაინის ნატო-ში გაწევრიანება დროის საკითხია და სხვა კრიტერიუმები, რომლებიც უნდა დაკმაყოფილდეს, როდესაც საქმე რუსეთთან ურთიერთობას ეხება“, - განაცხადა დმიტრი კულებამ.

ამასთანავე, უკრაინის საგარეო საქმეთა მინისტრმა დასძინა, რომ ქვეყანას აქვს ყველა ხელსაწყო იმისთვის, რომ რუსეთმა გაიყვანოს საკუთარი ჯარები უკრაინის ტერიტორიიდან.

„პარტნიორებმა, მათ შორის ნატო-ს მოკავშირეებმა მნიშვნელოვანი როლი ითამაშეს უკრაინაში რუსეთის შეჩერებაში, სადაც ის ამჟამად არის. როდესაც მეკითხებიან, რამდენად შორს შეიძლება წავიდეს რუსეთი, მე ვპასუხობ, რომ არაფერს გამოვრიცხავ, მაგრამ მაინც მჯერა, რომ ჩვენ გვაქვს  ყველა ხელსაწყო იმისთვის, რომ არა მხოლოდ არ გადადგას მეტი ნაბიჯი რუსეთმა, არამედ იმისთვისაც, რომ გაიყვანოს საკუთარი სამხედროები უკრაინის ტერიტორიიან“, - დასძინა დიმიტრი კულებამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს