ნიკა მელიას გათავისუფლება მოლაპარაკების პროცესში არაფერს არ ცვლის, - ამის შესახებ „ნაციონალურ მოძრაობის“ წევრმა, რომან გოცირიძემ ჟურნალისტებთან საუბრისას განაცხადა.

როგორც რომან გოცირიძე აღნიშნავს, ნიკა მელიას გათავისუფლება მოლაპარაკების პროცესს ძალიან სერიოზულ, დიდ ლაქას ადებს.

„შეუძლებელია, რომ ნიკა მელია არ იქნეს გათავისუფლებული. ეს შეიძლება მოხდეს დღეს, შეიძლება ხვალ, ან ზეგ. ეს არის დროის საკითხი. ნიკა მელიას გათავისუფლება მოლაპარაკების პროცესში არაფერს არ ცვლის. პირიქით, მძევლის აყვანის შემდეგ, რაღაც კომპრომისებზე და დათმობებზე დაყოლიება ეს არის ტერორისტების მეთოდი და  მოლაპარაკების პროცესს ამ შემთხვევაში, ძალიან სერიოზულ, დიდ ლაქას ადებს", - განაცხადა რომან გოცირიძემ.

შეგახსენებთ, რომ ამ წუთებში თბილისის საქალაქო სასამართლოში „ნაციონალური მოძრაობის“ თავმჯდომარის, ნიკა მელიას სასამართლო პროცესი მიმდინარეობს. ბრალდებული სასამართლო პროცესს ესწრება.

საქალაქო სასამართლოს ეზოში ნიკა მელიას მხარდამჭერები არიან შეკრებილნი.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს