საქართველოში რადიკალურად განწყობილი ძალები გაურკვევლობას მატებენ რუსეთთან ავიამიმოსვლის აღგენის საკითხს, რომელზეც ჯერ ადრეა საუბარი, - ამის შესახებ რუსეთის ფედერაციის საბჭოს საერთაშორისო საქმეთა კომიტეტის ხელმძღვანელმა, გრიგორი კარასინმა „კომერსანტთან“ ინტერვიუში განაცხადა.

„ავიამიმოსვლის აღდგენაზე საუბარი ნაადრევია. „რადიკალი მყვირალები“  საქართველოში (გავიხსენოთ შემთხვევა ვლადიმერ პოზნერთან დაკავშირებით) მხოლოდ და მხოლოდ ამატებენ ჩამოუყალიბებლობას ამ საკითხთან დაკავშირებით. ეს იყო საკმაოდ მახინჯი ინციდენტი. ჩვენ მოხარულები ვართ, რომ მოვისმინეთ საქართველოს პრემიერ-მინისტრის დაბანალნსებული განცხადება, რომელმაც დაგმო მომხდარი“, - განაცხადა გრიგორი კარასინმა.

გრიგორი კარასინმა განაცხადა, რომ გააგრძელებს კონტაქტს რუსეთის ფედერაციასთან ურთიერთობის საკითხებში საქართველოს პრემიერ-მინისტრის სპეციალურ წარმომადგენელთან, ზურაბ აბაშიძესთან.

„ჩვენ 2012 წლიდან ვმუშაობთ ერთობლივად და ამას მოაქვს პრაქტიკული შედეგები რიგ მნიშვნელოვან საკითხებში. დიპლომატიური ურთიერთობების არარსებობის და საქართველოში შიდა პოლიტიკური ბრძოლის გამო, ხშირად ეს ძალიან რთულია. პანდემიამ არ მოგვცა საშუალება 2020 წელს შევხვედრილიყავით, თუმცა ჩვენ ვაგრძელებთ მუშაობას ონლაინ-ფორმატში და ვიმედოვნებთ, რომ გვექნება პირისპირ შეხვედრაც“, - დასძინა გრიგორი კარასინმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს