2021-04-09 14:36:46, 683 ნახვა
პოლიტიკა
ლიეტუვის ელჩი - რუსული ოკუპაციის აგრესია განსაკუთრებით იგრძნობა მოქალაქეების ტრაგიკული გარდაცვალების ფონზე
რუსული ოკუპაციის უსამართლო და აგრესიული ხასიათი განსაკუთრებით იგრძნობა მოქალაქეების ტრაგიკული გარდაცვალების ფონზე, - ამის შესახებ საქართველოში ლიეტუვის ელჩი, ანდრიუს კალინდრა სოციალურ ქსელ „ტვიტერში“ წერს.
საქართველოში ლიეტუვის ელჩი ანდრიუს კალინდრა ენგურის ხიდთან იმყოფებოდა, სადაც რუსული ოკუპაცია დაგმო.
„სევდიანი ვიზიტი მქონდა ენგურის ხიდის გადასასვლელ პუნქტთან, რომელიც აღნიშნავს საოკუპაციო ხაზს აფხაზეთთან. რუსული ოკუპაციის უსამართლო და აგრესიული ხასიათი განსაკუთრებით იგრძნობა ამ მდინარეზე გადასვლისას მოქალაქეების ტრაგიკული გარდაცვალების ფონზე, როდესაც საქართველო, დღეს ეროვნული ერთობის დღეს აღნიშნავს“, - წერს ლიეტუვის ელჩი.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
