2021-04-06 13:45:53, 491 ნახვა
საზოგადოება
ჯანდაცვის მინისტრის მოადგილის განცხადებით, ბაღები და სკოლები უკიდურესი აუცილებლობის შემთხვევაში დაიხურება
ჯანდაცვის მინისტრის მოადგილე თამარ გაბუნია აცხადებს, რომ ბაღებისა და სკოლების დახურვა ძალიან რთული გადაწყვეტილებაა და უკიდურესი აუცილებლობის შემთხვევაში მოხდება.
როგორც თამარ გაბუნიამ სამინისტროში გამართულ ბრიფინგზე აღნიშნა, ეპიდემიის გავრცელების რისკი ბაღებსა და სკოლებში მაღალია.
„ბაღებისა და სკოლების დახურვა ძალიან რთული გადაწყვეტილებაა. ამდენად, თუ უკიდურესი აუცილებლობა არ იქნება, ვეცდებით, დიდხანს შევინარჩუნოთ. ეპიდემიის გავრცელების რისკი ბაღებსა და სკოლებში მაღალია, ამდენად ამის უკიდურესი აუცილებლობა თუ არ იქნება, სასწავლო პროცესი გაგრძელდება, აქტიური ტესტირების და სხვა წესების დაცვის ფონზე“, - განაცხადა ჯანდაცვის მინისტრის მოადგილემ.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
