2021-04-06 12:49:59, 635 ნახვა
საზოგადოება
სამების საკათედრო ტაძარში გურამ დოჩანაშვილს სამოქალაქო პანაშვიდი მიმდინარეობს
სამების საკათედრო ტაძარში ქართველი მწერლის, გურამ დოჩანაშვილს სამოქალაქო პანაშვიდი მიმდინარეობს.
სამოქალაქო პანაშვიდი სამების საკათედრო ტაძარში 14:00 საათამდე გაგრძელდება, რის შემდეგაც მწერალს, მისივე სურვილით, საბურთალოს სასაფლაოზე, შვილის გვერდით დაკრძალავენ.
შეგახსენებთ, რომ ქართველი მწერალი გურამ დოჩანაშვილი 82 წლის ასაკში 3 აპრილს გარდაიცვალა.
გურამ დოჩანაშვილი 1939 წლის 26 მარტს ქ. თბილისში დაიბადა. 1962 წელს დაამთავრა თსუ-ის ისტორიის ფაკულტეტი. 1968 წელს გურამ დოჩანაშვილი მწერალთა კავშირში მიიღეს. გურამ დოჩანაშვილის პირველი მოთხრობები 1961 წელს დაიბეჭდა ჟურნალ „ცისკარში“. მწერალი არის ლიტერატურული პრემია - "საბას" ლაურეატი ნომინაციაში - "ლიტერატურის განვითარებაში შეტანილი განსაკუთრებული წვლილისთვის.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
