„ქართული ოცნების“ წევრის, შალვა პაპუაშვილის განცხადებით, ოპოზიციის მიერ დაგეგმილი საპროტესტო აქციები ხელს უწყობს ვირუსის გავრცელებას.

მისი თქმით, ქვეყანაში მესამე ტალღა ახლოვდება და შეზღუდვების დაცვა აუცილებელია.

„ჩვენი ოპონენტების სიტყვა არ დაიჯერება. ისინი ტყუილს ტყუილზე ამატებენ. ჩვენი ოპონენტების დამოკიდებულება პანდემიისა და მისი სერიოზულობის მიმართ ცნობილია, მათ შორის 15 მაისს ჩანიშნული მიტინგიდან გამომდინარე. ჩვენ ვნახეთ მათგან საპროტესტო აქციები და ასე შემდეგ. ეს ყველაფერი ხელს უწყობს ვირუსის გავრცელებას. საქართველოში ვრცელდება ტყუილი, რომ „კომენდატის საათის“ შეზღუდვა იყოს თითქოს რაიმე ქართული გამოგონება. გადახედონ ევროკავშირის წამყვან ქვეყნებს, თითქმის ყველგან მოქმედებს „კომენდატის საათზე“ შეზღუდვა. ეს მესამე ტალღა ჩვენსკენ მოექანება და არ არის გამორიცხული, რომ იმ შემთხვევაში, თუ არ იქნება დაცული ყველა რეგულაცია, ეს შეზღუდვა ჩვენამდეც მოვიდეს და შემდეგ ყველა დაიწყებს ვაი ვიშვიშს. ამიტომ, ჯობია, აქედანვე სერიოზულად მოიქცეს ყველა და დაემორჩილონ იმ წესებს, რომელიც არის“, - განაცხადა შალვა პაპუაშვილმა.  

ცნობისთვის, დღეს საქართველოში კორონავირუსით ინფიცირების 897 ახალი შემთხვევა გამოვლინდა, ხოლო გამოჯანმრთელებულთა რიცხვი 196-ით გაიზარდა.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია