2021-04-05 14:56:21, 757 ნახვა
საზოგადოება
ზაზა გახელაძე ჩორჩანას საგუშაგოს ან ოქონის ხატის გადაცემის სანაცვლოდ გათავისუფლების წინააღმდეგია
ოკუპანტების მიერ დაკავებული ზაზა გახელაძე ჩორჩანას საგუშაგოს ან ოქონის ხატის გადაცემის სანაცვლოდ გათავისუფლების წინააღმდეგია.
„გაიგო, ესეც ტელევიზიიდან, რომ ითხოვენ ჩორჩანას, ითხოვენ ხატს, მაგრამ ზაზას პოზიცია არის, რომ მე არცერთში არ უნდა გამცვალონ. იმიტომ, რომ ეს არის ხატი, სიწმინდე, რომელიც ეკუთვნის საქართველოს და უნდა იყოს იქ, სადაც არის და მეორე არის ჩორჩანა, ტერიტორია, რასაც წლებია ითხოვენ ამ ბლოკპოსტის აღებას“, - განუცხადა „მთავარ არხს“ ზაზა გახელაძის მეუღლემ, ირმა ბუთხუზმა.
შეგახსენებთ, რომ ოკუპანტები ზაზა გახელაძის გაცვლას ჩორჩანას საგუშაგოს, ან მე-10 საუკუნით დათარიღებული ოქონის ხატის გადაცემას ითხოვენ. აღნიშნული სიწმინდე ამჟამად საქართველოს ეროვნულ მუზეუმში ინახება.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
