ჩვენ ვგმობთ აგრესიულ ქმედებებს ექსტრემისტი ნაციონალისტების მიერ რუსეთის მოქალაქეების წინააღმდეგ, - ასე ეხმაურება რუსეთის პრეზიდენტის, ვლადიმერ პუტინის პრესსპიკერი, დიმიტრი პესკოვი საქართველოში რუსი ჟურნალისტის, ვლადიმერ პოზნერის ვიზიტს.

როგორც დიმიტრი პესკოვი აღნიშნავს, რუსეთის მოქალაქეებისთვის საქართველოში ვიზიტი არ არის უსაფრთხო.

ამასთანავე, დიმიტრი პესკოვი მიესალმა საქართველოს პრემიერ-მინისტრის, ირაკლი ღარიბაშვილის განცხადებას, რომელმაც დაგმო სამოქალაქო აქტივისტების პროტესტი.

„პირველი - ჩვენ ვგმობთ აგრესიულ ქმედებებს ექსტრემისტი ნაციონალისტების მიერ რუსეთის მოქალაქეების წინააღმდეგ თბილისში, მეორე - ჩვენ ვნახეთ საქართველოს პრემიერ-მინისტრის დღევანდელი განცხადება, რომელმაც ასევე დაგმო აღნიშნული ქმედებები და ჩვენ მივესალმებით აღნიშნულ განცხადებას. მეამე - ჩვენ მადლიერები ვართ ქართველი პოლიციელების, რომლებმაც დაიცვეს რუსეთის მოქალაქეების უსაფრთხოება. და ბოლოს, საქართველო არ არის უსაფრთხო რუსი მოქალაქეებისთვის, იქ უბრალოდ საშიშია მოგზაურობა - ეს რუსებმა კარგად უნდა გაიაზრონ“, - განაცხადა დიმიტრი პესკოვმა.

შეგახსენებთ, რომ საქართველოში გუშინ რუსი ჟურნალისტი, ვლადიმერ პოზნერი დაბადების დღის აღსანიშნავად საკუთარ მეგობრებთან ერთად ჩამოფრინდა. აღნიშნულ ფაქტს სამოქალაქო აქტივისტების პროტესტი მოჰყვა, რის გამოც პოზნერსა და მის თანმხლებ პირებს საქართველოს დაგეგმილზე ადრე დატოვება მოუწია.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა