„ქართულმა ოცნებამ“ თავშეკავებული პოზიცია გამოხატა იმ პუნქტებთანაც, რომელსაც ოპოზიცია დათანხმდებოდა, - ამის შესახებ „ნაციონალური მოძრაობის“ წევრმა, სალომე სამადშვილმა მმართველ გუნდსა და ოპოზიციას შორის ჩაშლილ  მოლაპარაკებებთან დაკავშირებით განაცხადა.

როგორც მან აღნიშნა, ქვეყანა, სადაც ადამიანები პოლიტიკური ნიშნით მძევლებად აჰყავთ, დემოკრატიულ ფუნქციონირებას ვერ გააგრძელებს.

„ამ პოლიტიკური კრიზისის განმუხტვა შეუძლია მხოლოდ სისტემურ გადატვირთვას, როგორიც არის მაგალითად, საკონსტიტუციო ცვლილება და შემდეგ უკვე ვადამდელი არჩევნები. რაც შეეხება პოლიტპატიმრების თემას, ჩვენ უნდა შევთანხმდეთ როგორც ორივე პოლიტპატიმრის გათავისუფლებაზე, ასევე პრინციპზე, რომ ქვეყანაში სრულდება პოლიტიკური ნიშნით განხორციელებული მართლმსაჯულება. ჩვენ ვერ გავაგრძელებთ ფუნქციონირებას როგორც დემოკრატიული საქართველო, როდესაც ადამიანები პოლიტიკური ნიშნით აჰყავთ მძევლებად და მერე გვევაჭრებიან ამ ადამიანების გათავისუფლებაზე. ასეთ გარემოში ჩვენ ვერ შევძლებთ ვერც ერთი ჩვენი მიზნის განხორციელებას. ამიტომ არის ყველა პუნქტი, რომელიც მიშელის გეგმაში იყო ჩამოთვლილი, ერთნაირად მნიშვნელოვანი ჩვენთვის. თუმცა, აქვე მინდა შევახსენო საზოგადოებას, რომ „ქართულმა ოცნებამ“ მათ შორის იმ პუნქტებთან მიმართებაში, რომელსაც ოპოზიცია დათანხმდებოდა, გამოხატა საკუთარი თავშეკავებული პოზიცია და იქაც კი „ქართული ოცნებისთვის“ არ იყო მისაღები“, - განაცხადა სალომე სამადაშვილმა.

ცნობისთვის, ევროპული საბჭოს პრეზიდენტის პირადი წარმომადგენლის, კრისტიან დანიელსონის მედიაციით გამართული მოლაპარაკებები მმართველ გუნდსა და ოპოზიციას შორის კვლავ უშედეგოდ დასრულდა. არც ერთმა პოლიტიკურმა პარტიამ ევროპელი მედიატორის შეთავაზებას ხელი არ მოაწერა.

ავტორი: ექსპრესნიუსი,

სოციალური ქსელები

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა