საქართველოში კოვიდსაწინააღმდეგო ვაქცინაციიის პროცესში აფხაზეთისა და ცხინვალის მოქალაქეებიც ჩაერთვებიან

2021-03-30 12:03:53, 2112 ნახვა

ომი უკრაინაში

საქართველოში მიმდინარე კოვიდსაწინააღმდეგო ვაქცინაციაში აფხაზეთისა და ცხინვალის მოქალაქეებიც ჩაერთვებიან, - აღნიშნული გადაწყვეტილება საკოორდინაციო საბჭომ მიიღო.

როგორც სახელმწიფო მინისტრმა შერიგებისა და თანასწორობის საკითხებში, თეა ახვლედიანმა განაცხადა, ვაქცინაციაში მონაწილეობას 65-წელს ზემოთ მყოფი პირები და სამედიცინო სფეროს წარმომადგენლები შეძლებენ.

„საქართველოში მიმდინარე კოვიდსაწინააღმდეგო იმუნიზაციის პროგრამაში ჩართვის შესაძლებლობა ეძლევათ საქართველოს აფხაზეთისა და ცხინვალის რეგიონში მცხოვრებ სამედიცინო სფეროს და შესაბამისი ასაკობრივი ჯგუფის წარმომადგენელ პირებს, რომლებსაც შეეძლებათ ვაქცინაცია ჩაიტარონ საქართველოს ხელისუფლების კონტროლირებად ტერიტორიაზე“, - განაცხადა თეა ახვლედიანმა.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან